BOBONARO, HEADLINE, MUNISÍPIU, SEGURANSA

Eventu Festivál Fronteirá 2023 la’o ho ambiente pás

Eventu Festivál Fronteirá 2023 la’o ho ambiente pás

Aprezentasaun dansa kultra iha ambitu festivál fronteira tinan 2023 hodi hametin rekonsiliasaun, iha Jináziu Maliana, kuarta (16/11). Imajen Tatoli/Francisco Sony

BOBONARO, 21 novemrnu 2023 (TATOLI) – Situasaun seguransa iha eventu festivál fronteira 2023 ‘Interkámbiu kulturál ba hametin rekonsiliasaun’, ne’e hahú iha loron (14/11) to’o (19/11) ne’e lao ho ambiente pás no hakmatek, tanba Polísia Nasionál Timor-Leste Munisípiu Bobonaro la rejista krime, insidente no asidente ruma.

Notísia relevante: PNTL ho F-FDTL preparadu asegura  festivál kulturál fronteira

“Ita hotu akompaña,públiku tomak asiste katak eventu interkámbiu kulturál ba hametin rekonsiliasaun ne’ebé mak inísiu hosi dia 14 até 19 novembru ne’e remata ho susesu, laiha insidente no asidente ruma,” Komandante PNTL Munisípiu Bobonaro, Superintendente Xefe António de Sá, informa ba Jornalista sira iha Maliana, segunda ne’e.

Nia haktuir, iha inísiu 14 kalan ne’e konsege akontese joven balu gás motorizada halo provokasaun ba mai, maibé autoridade seguransa halo kedas prevensaun hodi estabiliza situasaun.

Eis Komdante PNTL Munisípiu Baucau ne’e haktuir, iha atividade konsertu PNTL mós halo identifikasain ba joven kuaze na’in-20 ne’e demonstra panfletu ne’ebé  sira hakerek ho palavra arte-marsiál no liafuan ne’ebé la relevánsia ho atividade festivál ne’e.

“Sira tau fali trajédia ida foin lalais ne’e, entaun hena sira-ne’e ita foti hotu, prontu ne’e labarik joven sira laiha koñesimentu, sira defisiénsia iha koñesimentu, entaun sira la hatudu sentidu loloos ba eventu ne’e ho saida mak sira espresa, dalaruma ho sira-nia baidoza ne’ebé mak iha,” nia relata.

PNTL hola asaun ne’e bazeia ba desizaun governu ne’ebé foin lalais ne’e suspende atividade arte-marsiál no rituiál, tanba liuhosi eventu ne’ebé akumula ema barak, grupu no individu balu aproveita oportunidade halo asaun ba malu.

“Hau hakarak kongratula ita-nia komunidade ein jerál, espesialmente komunidade munisípiu Bobonaro, tanba apelu no mensajen ne’ebé ita fó-sai, ita-nia komunidade sira, iha duni sentimentu patriota, tanba ne’e sira hotu-hotu depozita sira-nia konfiansa ba autoridade sira, liuliu sira kontribui tuir devér idak-idak ne’ebé mak sira iha, ita-nia bainaka sira mós espresa sira-nia satizfasaun, hahú hosi atividade entrada mai to’o atividade remata, sira apresia ho komportamentu, ita-nia atetude simu sira,” nia hateten.

Notísia relevante: Relasaun família-kultura TL ho NTT  laiha fronteira

Jornalista: Sérgio da Cruz

Editór: Evaristo Soares Martins

iklan
iklan

Leave a Reply

iklan
error: Content is protected !!