Janeiru-setembru 2023, DTT Bobonaro rekolla reseita rihun $80-resin
BOBONARO, 29 novembru 2023 (TATOLI) – Hahú hosi fulan-janeiru to’o setembru trimestre datoluk ne’e, Diresaun Transporte Terrestre (DTT) Munisípiu Bobonaro, rekolla reseita rihun $80-resin ba kofre Estadu.
Diretór DTT munisipiu Bobonaro, José Paulo Henriques Baptista, informa reseita hirak-ne’e rekolla hosi atividade lisensa veíkulu, inspesaun veíkulu, lisensa kondusaun no lisensa tránzitu ka transporte.
“Ba primeiru terimestre, segundu to’o terseiru trimestre ita hetan rihun $80-resin, trimestre ikus fulan-outubru no novembru sei la’o hela,” nia informa ba jornalista sira iha kna’ar-fatin, kuarta ne’e.
Enkuantu taxa anuál ne’ebé Diresaun Transporte Terrestre Munisípiu Bobonaro iha tinan 2020 rekolla $87,294.00, tinan 2021 rekolla hamutuk $70,351,50 no 2022 rekola rihun $95-resin
Notísia relevante: DTT Bobonaro rekolla reseita rihun $37 iha trimestre dahuluk
Jornalista: Sérgio da Cruz
Editór: Evaristo Soares Martins
