iklan

EKONOMIA, INTERNASIONÁL, DILI, HEADLINE

Horta apela ba nasaun riku iha mundu kombate mudansa klimátika

Horta apela ba nasaun riku iha mundu kombate mudansa klimátika

imajen espesiál

DILI, 03 dezembru 2023 (TATOLI) – Prezidente Repúblika, José Ramos Horta, husu ba nasaun riku sira iha mundu atu haka’as aan hodi kombate mudansa klimátika.

Horta hato’o lia hirak ne’e iha nia diskursu iha sorumutu klimátika COP28 nian iha Dubai foin lalais ne’e.

“Nasaun riku sira iha mundu tenke haka’as aan hodi kombate mudansa klimátika”, Horta dehan.

Lauriadu Novel ba Pá agradese mós ba Estadus Unidus nia kompromisu tokon $100 ba fundu foun ida ba oinsa atu kombate mudansa klimátika.

“Impaktu boot Timor-Leste hasoru ona inundasaun, bailoro naruk no rai-halai ne’ebé akontese tanba klima”, nia dehan.

“Insusesu atu halo asaun agora ba hamenus emisaun sei hamosu akontesimentu sira ne’ebé maka’as liután ba lakon no estragu”, nia hatutan.

Horta nafatin husu ba nasaun sira ne’ebé dezenvolvidu atu hamenus emisaun no hasa’e finansiamentu ba adaptasaun no mitigasaun nasaun kiak sira-nian.

“Ita bele koko atu hatudu laran-moos uitoan no rekoñese katak rekuperasaun ekonomia ho debe ne’ebé boot, ne’e buat ne’ebé la-posivel atu ses”, nia friza.

Maske nune’e, Ramos-Horta hateten katak Timor-Leste nia esforsu rasik, inklui objetivu sira atu alkansa ekonomia ho karbonu kiik, proteje biodiversidade tasi nian no reflorestasaun ba rai maran sira ho ajuda husi ONG lokál sira.

“Ita sei halo buat barak liután, se ita hetan apoiu ne’ebé adekuadu ho menus buirokrasia”, nia konklui.

Jornalista: Hortencio Sanchez

Editór : Zezito Silva

iklan
iklan

Leave a Reply

iklan
error: Content is protected !!