UNDP hakarak dezenvolve meiu ambiente hodi kontra poluisaun iha TL
DILI, 06 dezembru 2023 (TATOLI) – Reprezentante UNDP iha Timor-Leste (TL), Katyna Argueta, dehan UNDP hakarak halo kooperasaun ho UNICEF hodi dezenvolve meiu ambiente ida ho sustentável hodi kontra poluisaun iha Timor-Leste.
Katyna afirma hafoin hasoru malu ho Prezidente Repúbkika José Ramos Horta hodi diskute asuntu dezenvolvimentu TL nian.
“UNICEF liuhosi nasaun unidas hakarak dezenvolve meiu ambiente ida ho sustentabilidade hodi kontra polisaun iha Timor Leste”, nia revela.
Reprezentate nasaun unidas hakarak halo kooperasaun liuhosi UNICEF hodi promove dezenvolvementu sustentavel iha TL.
“Ami mai enkontru ho Prezidente Repúblika José Ramos Horta, reprezenta hosi programa nasaun unidas nian, hodi diskute kona-ba dezenvolvementu iha Timor Leste. Ami nia vizita ne’e hanesan vizita kortezia ba Xefe Estadu hodi re-integra programa sira ne’ebé iha ho Governu TL nian”, Katyna dehan ba jornalista sira iha Palásiu Prezidensiál, ohin.
Aleinde ne’e, UNICEF hakarak promove empoderamentu ba feto, hamutuk ho Governu hodi apoiu ekonómia ba feto iha rejiaun ne’e.
Durante reuniaun, Horta aprezenta dezafiu sira ba dezenvolvimentu rekursu umanu iha nasaun ne’e no Estadu TL foku hela oinsa atu dezenvolve kondisaun vida umana ba povu hotu iha TL.
Jornalista: Hortencio Sanchez
Editór : Zezito Silva
