DILI, 08 janeiru 2024 (TATOLI) – Prezidente Repúblika (PR), José Ramos Horta, ho nia delegasaun dezloka ba India hodi partisipa iha 𝘝𝘪𝘣𝘳𝘢𝘯𝘵 𝘎𝘶𝘫𝘢𝘳𝘢𝘵 𝘚𝘶𝘮𝘮𝘪𝘵 2024 iha New Delhy India.
“Simeira vibrante 2024 Gujarat ne’e, sei partisipa hosi líder mundiál sira inklui Prezidente Repúblika, José Ramos-Horta no mós Primeiru-Ministru Repúblika Checa, Peter Fiala”, hatete iha komunikadu ne’ebé Agência TATOLI asesu hosi media Gabinete PR, ohin.
Eventu bienal ne’e, inisia hosi Primeiru-Ministru Índia, Narendra Modi iha tinan 2003. Bainhira Ministru-Xefe Estadu ba Gujarat, nakfilak nu’udar plataforma krusiál bá polítiku sira-ne’ebé atu foti desizaun kona-ba investidór sira atu promove kolaborasaun hodi esplora oportunidade ba investimentu.
Simeira refere sei hala’o durante loron rua, hahú husi 09-10 janeiru tinan ne’e, iha ne’ebé Índia mak hanesan uma-na’in bá eventu mundiál ne’e.
Jornalista: Hortencio Sanchez
Editór : Zezito Silva
