iklan

EDUKASAUN, HEADLINE, MUNISÍPIU, OÉ-CUSSE (RAEOA)

EBC Palaban iha Oé-Cusse presiza tán profesór na’in-tolu

EBC Palaban iha Oé-Cusse presiza tán profesór na’in-tolu

Diretór EBC Palaban, Alberto Soi. Imajen Tatoli/Abílio Elo Nini.

OÉ-CUSSE, 16 janeiru 2024 (TATOLI) – Eskola Bázika Sentrál (EBC, sigla portugés) Palaban, iha Rejiaun Administrativa Espesiál Oé-Cusse (RAEOA), enfrenta menus profesór hodi haforsa atividade ensinu aprendizajen iha eskola.

“Ami-nia problema primeiru menus profesór, ida-ne’e presiza aumenta, tanba profesór na’in-tolu sira responsabiliza hosi nonu-anu to’o désimu primeiru-anu, hanesan profesór feto ida hanorin belas artes, mane ida hanorin relijiaun morál katólika depois no profesór mane ida hanoin saúde no desportu, entaun kada semana profesór ida hanoin oras 30, depois iha tinan kotuk ida mate, ida atu reforma, ne’ebé ami presiza na’in-tolu, sufisiente ona,” Diretór EBC Palaban, Alberto Soi, ba Agência Tatoli iha Oé-Cusse, tersa ne’e.

Notísia relevante: EBC Palaban Oé-Cusse mantein osan matríkula $6.794 sosa uniforme

Diretór ne’e hateten, komesa fulan janeiru ne’e, aula prezensiál komesa ona, enkontru eskola sei realiza iha tempu badak, atu koloka profesór sira tuir matéria idak-idak, maibé ba profesór tolu sei nafatin hanesan tinan kotuk.

“Problema ne’e ami hato’o ona iha edukasaun, dehan atu rezolve iha tinan ne’e, ne’e mak kami kontinua hein, to’o fulan marsu tanba iha semana ne’e ami sei halo enkontru, bele ita uza oráriu tuan profesór maka sei muda, ne’ebé kuandu koloka tán profesór balu mai, entaun ami sei halo reuniaun atubele monta oráriu loloos,” nia katak.

Hatán ba problema menus profesór, Diretór Edukasaun Oé-Cusse, Daniel Mauno, konsidera problema menus profesór akontese ona tanba barak mak reforma no balu mate.

“Ha’u hanoin kada tinan problema profesór ne’e menus nafatin tanba balu mate, balu reforma depois estudante aumenta, iha EBC Palaban tinan kotuk profesora feto ida mate, agora feto ida atu reforma, maibé ita haree atubele koloka balu iha-ne’ebá,” nia katak.

Notísia relevante: Estudante 224 iha EBC Palaban kontribui $1 sosa ekipamentu ezame

Entretantu, totál profesór hanorin iha EBC Palaban hamutuk na’in-23 komposta hosi pemanente na’in-18 no na’in-lima kontratadu no totál estudante hamutuk 526.

Jornalista: Abílio Elo Nini

Editór: Evaristo Soares Martins

iklan
iklan

Leave a Reply

iklan
error: Content is protected !!