iklan

EDUKASAUN

IPB sei halo rejistrasaun ba estudante foun iha semana oin

IPB sei halo rejistrasaun ba estudante foun iha semana oin

Prezidente IPB, Acácio Cardoso Amaral. Imajen Tatoli/Egas Cristóvão

DILI, 06 janeiru 2024 (TATOLI)–Prezidente Institutu Politékniku Betano (IPB), Acácio Cardoso, hateten segunda semana oin (loron 12-24 fevereiru 2-24) IPB sei halo rejistrasaun ba estudante foun tanba ne’e prezidente husu estudante foun atu prepara dokumentu sira hodi asesu ba IBP.

Notísia Relevante: Institutu Politékniku Betano Referénsia Ba Politékniku Foun

“Tanba ami-nia proposta ba MSSK ne’e presiza 400, no rezultadu mai aumenta tan 462 tanba valór hanesan mak barak. Maibé ami simu nafatin tanba ami esperiénsia tinan-tinan bainhira rejista ema 400 maibé menus dala ruma hela de’it 100 ka 150 hanesan ne’e,” nia dehan ba Agência Tatoli, liuhosi telefónika, tersa ne’e.

Totál vaga ba IPB hamutuk 462 ne’ebé kompostu hosi kursu konstrusaun sivil iha 252, mane iha 114 ho feto 138 no Kursu produsaun animál 210 ne’ebé kompostu hosi mane ema na’in-84 no feto iha ema 126.

Tanba ne’e, Prezidente IPB avizu ba estudante foun sira katak ingresu estudante foun tinan 2024 bazeia ba rezultadu asesu ba Ensinu Superiór Universidade Nasionál Timor-Leste (UNTL) ho Institutu Politékniku Betano (IBP) ba tinan akadémika 2024, ne’ebé públika iha 02 fevereiru 2024.

Ho ida-ne’e, Dirasaun Nasionál Administrsaun, Akadémika estudantil ho IT hakarak informa ba kandidatu estudante foun ba IBP iha tinan akadémika 2024, atu mai halo rejistrsaun iha IBP, iga fatin loket rejistrasaun gabinete 1° Vise Prezidente resintu IPB, Betano, Same, Manufahi, iha dadeer to’o lorokraik tuku 08h00-12h00 no 14h00-17h00.

Kritéria ba rejistu iha IPB mak hatudu lista publikasaun no naran iha númeru hira, persiza marka ho estabilo; foto kopia diploma legalizadu orijinál ka deklarasaun aprovadu hosi eskola anteriór tahan rua (2); foto kopia kartaun eleitorál ka billete identidade tahan rua (2); foto kopia sertidaun RDTL ka sertidaun batizmu tahan rua (2).

Kritéria saluki mak foto kloridu ho kazaku 3X4 tahan rua (2) no 2X3 tahan rua (2); mapa kór verde ba Kursu Produsaun Animál; mapa kór azul ba Kursu Konstrusaun Sivil no osan rejistrasaun $135 ho nia diskrisaun propinas kada semestre $30, edifísiu kada semestre $20, prátika kada semestre $25, kazaku Almamater $30 no kamizola $15, orientasaun $15.

Jornalista : Osória Marques

Editór        : Cancio Ximenes

iklan
iklan

Leave a Reply

iklan
error: Content is protected !!