EBF Fatukenfua estabelese asosiasaun inan-aman kontribui atividade eskola
OÉ-CUSSE, 13 fevereiru 2024 (TATOLI) – Organizasaun Naun Governamentál (ONG) Care International liuhosi ékipa Education Programme Ofice (EPO, sigla inglês), hamutuk ho profesór sira iha Eskola Bázika Filiál (EBF) Fatukenfua, Rejiaun Administrativa Espesiál Oé-Cusse Ambeno (RAEOA) hili estrutura Asosiasaun Inan-Aman no Profesór (AIAP) hodi kontribui ba atividade eskola.
Notísia relevante:Komunidade kontribui osan-materiál konstrui sala emerjénsia ba EBF ida iha RAEOA
Koordenadór EBF Fatukenfua, Baptista Lelan, hateten, antes ne’e estrututra AIAP iha maibé mandatu remata ona iha dezembru 2023 ne’e.
“Agora ami hamutuk ho CARE liuhosi servisu Education Programa Ofice, estrutura estabelese ema na’in-neen troka sira-nia tuan ba mandatu tinan lima, hanesan konsellu inan-aman hamutuk ho estrutura sira ba seguransa tezoreiru no limpreza,” Baptista Lelan, ba Agência Tatoli iha Oé-Cusse, tersa ne’e.
Tanba ne’e ho prezensa programa Care iha EBF Fatukenfua, bele apoia eskola atu kria fali estrutura foun nune’e bele hamutuk tau matan ba eskola.
Nune’e ho oportunidade ne’e, hosi Care liuhosi ekipa servisu Edukcation Programa Ofice, bele apoia eskola hodi realiza enkontru atu hametin no hili estrutura AIAP, nune’e bele tau matan no fó apoia ba atividade eskola liuliu prosesu aprendizajen no ambiénte esksola nian.
“Ha’u nu’udar responsável EBF Fatukenfua, agradese ho apoia ne’e tanba iha momentu balu, ami-nia eskola refere, hetan fallansu kona-bá atividade prosesu aprendizajen no kontribuisaun inan-aman profesór ho alunu,” nia orgullu.
Notísia relevante: Autoridade RAEOA sei konstrui sala aprendizajen ba EBF Fatukenfua
Koordenadór eskola ne’e, relembra iha 2022, eskola EBF Fatukenfua hetan dezastre naturál, anin-boot akompaña ho udan estraga sala aprendizajen eskola nian, no afeta ba estudante sira hala’o aprendizajen uza de’it ai-mahon.
“Maibé ho estrutura AIAP ne’e, konsege fó solusaun apoia emerjénsia hodi hamutuk tali-tahan halo uma ida ba alunu sira atu uza, tanba kuandu ita hein apoia Governu nia prosesu kleur, ida-ne’e maka intensaun estabelese estrutura ne’e,” nia informa.
Notísia relevante: Autoridade RAEOA prevista preokupasaun EBF Fatukenfua iha OJE 2023
Entretantu, EBF Fatukenfua lokaliza iha suku Usitako, sub-rejiaun Nítibe, ho totál estudante ne’ebé hala’o estudu iha EBF Fatukenfua hamutuk na’in-106 ho profesór hamutuk na’in-lima.
Jornalista: Abílio Elo Nini
Editór: Evaristo Soares Martins
