iklan

EDUKASAUN

UE apoiu Timor-Leste millaun £5.9 ba Eskola Ensinu Tékniku Vokasionál

UE apoiu Timor-Leste millaun £5.9 ba Eskola Ensinu Tékniku Vokasionál

Eskola Ensinu Sekundáriu Tékniku Vokasionál, Becora. Imajen TATOLI/Nelia Fernandes.

DILI, 13 fevereiru (TATOLI)—Uniaun Europea fó apoia millaun £5.9 ba Timor-Leste liuhosi Ministériu Edukasaun liuliu Sekretária Estadu Ensinu Sekundáriu no Ensinu Tékniku Vokasionál, hodi apoia eskola ensinu tékniku vokasionál haat (4) iha Timor-leste.

Ofisiál Dezenvolvimentu Rurál TVET ILO, Tendy Gunawan, hateten objetivu hosi enkontru ne’e atu aprezenta ba Sekretáriu Estadu kona-ba apoiu ne’ebé ILO bele halo liuhosi identifikasaun treinu vokasionál iha Timor-Leste, no projetu ne’e ba tinan haat atu identifika eskola tékniku vokasionál sira.

“Liuhosi enkontru ne’e ohin mai hametin kooperasaun parte edukasaun atu hasa’e koñesimentu estudante no profesór sira-nian. Nune’e, ba oin ILO sei apoiu Timor-Leste liuliu ba traballadór nune’e servisu hamutuk ho ministériu relevante hodi hasa’e kapasidade mestra sira-nian. Fundu ba treinu vokasionál ne’ebé ILO apoiu ne’ebé oferese hosi UE hamutuk £5.9,” Tendy Gunawan hateten ba jornalista sira hafoin enkontru ho Sekretáriu Estadu Ensinu Sekundáriu no Ensinu Tékniku Vokasionál, Domingos Lopes Lemos, kona-ba apoiu ILO ba tékniku vokasionál iha salaun VIP, Vila Verde, tersa ne’e.

ILO mós sei haree ba mudansa iklima ne’ebé afeta mós Timor-Leste, nune’e oinsá servisu hamutuk ho edukasaun atu halo planu hodi rezolve problema ne’ebé sei akontese.

Sekretáriu Estadu Ensinu Sekundáriu no Ensinu Tékniku Vokasionál, Domingos Lopes Lemos, hateten, ohin ekipa ILO aprezenta lista eskola tékniku ne’ebé sira identifika hodi fó apoiu liuliu iha agrikultura nian.

“Tuir sira-nia identifikasaun ne’ebé ohin lori mai ne’e, iha Ensinu Tékniku Vokasionál haat mak tékniku vokasionál agrikula haat foin lalais ministériu agrikultura transfere mai Edukasaun. Ida-ne’e mak sira-nia alvu ba eskola haat ne’e, maibé ami mós informa ba sira katak sira mós tenke identifika tékniku vokasionál seluk nia departamentu ka kursu hola parte iha agrikultura ne’e, sei aprezenta ba sira,” nia dehan.

Governante ne’e hateten, tékniku vokasionál ida iha Maliana Bobonaro nian, ida iha Oé-Cusse, Natarbora-Manatuto nian no ida tan iha Fuiloro-Lospalos nian.

Jornalista : Osória Marques

Editór        : Cancio Ximenes

iklan
iklan

Leave a Reply

iklan
error: Content is protected !!