iklan

EDUKASAUN

ME sei entrega motorizada unidade 86 ba inspetór sira iha munisípiu

ME sei entrega motorizada unidade 86 ba inspetór sira iha munisípiu

Motor Honda Verza. Imajen/Espesiál.

DILI, 16 fevereiru 2024 (TATOLI)–Inspetora Jerál iha Ministériu Edukasaun (ME), Maria Manuela Gusmão, hateten Governu liuhosi Ministériu Edukasaun sei entrega formálmente motorizada unidade 86 ba inspetór sira hotu iha munisípiu.

“Ami hein Ministra Edukasaun no Sekretáriu Estadu Ensinu Sekundáriu Jerál no Ensinu Tékniku Vokasionál, Domingos Lopes Lemos, atu entrega formalmente ba inspetór sira,” Inspetora ne’e dehan ba Agência Tatoli liuhosi telefónika, sesta ne’e.

Motorizada unidade 86 ne’ebé mak sei distribui ne’e depende ba inspetór sira, se bainhira iha inspetór iha munisípiu id amak iha na’in-tolu (3) mak motorizada mós fó na’in-tolu ne’e no karik barak ema liu ida-ne’e sei fó tuir ida-ne’e.

Auditór Inspesaun Jerál ME, Rudolfo Henrique Aparício, hateten motorizada unidade 86 ho marka Honda Verza ne’ebé gabinete prepara ne’e, daudaun ne’e sei iha hela prosesu trata dokumentu sira antes atu fahe ba inspetór sira.

Motorizada ne’e ministériu edukasaun sosa ho osan hamutuk rihun $186-resin no prosesu sira-ne’e liuhusi aprovizionamentu ne’ebé loke konkursu públiku depois mak kompañia sira kompete, no komapñia ne’ebé manán ne’e mak sosa.

Jornalista : Osória Marques

Editór       : Cancio Ximenes

iklan
iklan

Leave a Reply

iklan
error: Content is protected !!