DILI, 19 Fevereiru 2024 (TATOLI)- Prezidente Repúblika (PR), José Ramos Horta, segunda ne’e, simu karta kredensiál hosi nasaun 11 ne’ebé naun-rezidente iha Timor-Leste.
Embaxadór na’in 11 hosi nasaun hanesan, Repúblika Arab Ejitu, Kanada, Dinamarka, Repúblika Helenika (Grece), Repúblika Islamista Iran, Repúblika Islamika Pakistaun, Reinu Kamboja, Repúblika Demokratika Povu Lao, Repúblika Demokratika Povu Algeria, Repúblika Afrika Sul no Suesia.
Serimónia prezidensiál ne’e atu formaliza relasaun diplomátika entre Timor-Leste no nasaun sira ne’e. Tanba nu’udar Estadu Soberanu no independente presiza hametin amizade no kooperasaun iha nivel globál no rejionál ne’e imperativu ba Timor-Leste.
Estabelesimentu kanál diplomátiku foun sira-ne’e loke dalan atu hasa’e kolaborasaun polítika, ekonómika, sosiál no kulturál ba benefísiu ba malu husi nasaun hotu-hotu ne’ebé envolve.
Embaixadór naun-rezidente sira hosi nasaun sanulu-resin-ida ne’ebé aprezenta sira-nia kredensiál hanesan:
1. Yasser Hassan Farag Elshemy, Embaixadór Estraordináriu no Plenipotensiáriu Repúblika Arab Ejitu ne’ebé rezidénsia iha Jakarta – Indonesia.
2. Jess Dutton, Embaixadóra Estraordinária no Plenipotensiária Kanada nian ne’ebé rezidénsia iha Jakarta – Indonesia.
3. Sten Frimodt Nielsen, Embaixadór Estraordináriu no Plenipotensiariu Dinamarka, rezidénsia iha Jakarta – Indonesia.
4. Georgios Dogoritis, Embaixadór Estraordináriu no Plenipotensiáriu Repúblika Hellenic (Grece) ne’ebé rezidénsia iha Singapura.
5. Mohammad Boroujerdi, Embaixadór Estraordináriu no Plenipotensiáriu Repúblika Islamika Iran ne’ebé rezidénsia iha Jakarta – Indonesia.
6. Ameer Khurram Rathore, Embaixadór Estraordináriu no Plenipotensiáriu Repúblika Islamika Pakistaun ne’ebé rezidénsia iha Jakarta – Indonesia.
7. Tean Samnang, Embaixadór Estraordináriu no Plenipotensiáriu Reinu Kamboja nian ne’ebé rezidénsia iha Jakarta – Indonesia.
8. Khamfeuang Phanthaxay, Embaixadór Estraordináriu no Plenipotensiáriu Repúblika Demokratika Povu La’o ne’ebé rezidénsia iha Jakarta – Indonesia.
9. Nor Eddine Benfreha, Embaixadóra Estraordináriu no Plenipotensiáriu Repúblika Demokratika Povu Algeria ne’ebé rezidénsia iha Canberra – Australia.
10. Mpetjane Kgaogelo Lekgoro, Embaixadór Estraordináriu no Plenipotensiáriu Repúblika Afrika Sul ne’ebé rezidénsia iha Jakarta – Indonesia.
11. Daniel blockert, Embaixadór Estraordináriu no Plenipotensiáriu Suesia ne’ebé rezidénsia iha Jakarta – Indonesia.
Serimónia ne’e ko’alia liu kona-ba Timor-Leste nia perfíl internasionál ne’ebé aumenta no dezenvolvimentu relasaun diplomátika ho nasaun sira iha mundu tomak dezde restaura independénsia iha 2002.
Jornalista: Hortencio Sanchez
Editór : Florencio Miranda Ximenes
