ME normaliza ona pagamentu eskalaun profesór 2023
DILI, 29 fevereiru 2024 (TATOLI)—Diretora Nasionál Rekursu Umanu hosi Ministériu Edukasaun (ME), Anita Tavares de Jesus, hateten pagamentu progresaun eskalaun ba profesór tinan 2023 hamutuk 1.927.
“Ita normaliza saláriu hotu ona ba ita-nia profesór sira-ne’e. Ba profesór 2023 nian hamutuk 1.927 ne’ebé hosi munisípiu Aileu 133, Ainaro 14, Baucau 459, Bobonaro 71, Covalima 326, Dili 244, Ermera 16, Liquiça 18, Lautém 270, Manatuto 161, Manufahi 59, Viqueque 156,” Diretora ne’e hateten ba Agência Tatoli iha nia kna’ar fatin, Vila Verde, kinta ne’e.
Diretora Nasionál ne’e hateten, normaliza ona entaun kontinua fali ho verifiksaun ba dadus ba tinan ne’e nian, nune’e labele akumuladu hanesan tinan kotuk no kotuk liubá.
“Ita haree sira-ne’ebé mak ba tinan ne’e no ida-ne’e foin mak hahú verifika no ninia rezultadu seidauk bele fó sai,” nia dehan.
Pagamentu progresaun eskalaun tinan 2022 hamutuk 2.306 ne’ebé kompostu hosi munisípiu Aileu 98, Ainaro 151, Baucau 380, Bobonaro 115, Covalima 73, Dili 306, Ermera 47, Liquiça 518, Lautém 308, Manatuto 94, Manufahi 113 no Viqueque 103.
Jornalista : Osória Marqeus
Editór : Cancio Ximenes
