iklan

INTERNASIONÁL, DESPORTU, DILI, HEADLINE

Atleta Nasionál Bodybuilding sei realiza Mai Competition session II

Atleta Nasionál Bodybuilding sei realiza Mai Competition session II

Imajen/espesial

DILI, 22 marsu 2024 (TATOLI)– Atleta Nasionál Bodybuilding, Anastacio da Costa, informa iha inisiativa realiza Competition session II hodi halibur atleta nasionál hotu iha Timor-Leste no konvida mós atleta hosi Indonézia mai kompete.

“Kompetisaun ne’ebé mak ha’u ho maun balun hala’o ne’e tanba ajenda ne’e anuál (tinak) , nune’e sempre hala’o, iha tinan kotuk ita hala’o iha Timor Plaza. Eventu ida ne’e ami realiza atu motiva ita nia alin joven sira ne’ebé gosta Bodybuilding atu promove sira nia talentu,” Anastacio katak ba Agência TATOLI iha edifisiu MAI Sport Jone Gym Hudi-Laran Dili, sesta ne’e.

Nia dehan, kompetisaun ne’e sei hala’o iha fulan-maiu mai ne’e iha jináziu Dili.

“Kompetisaun ne’e ita husu ona ba Governu atu apoiu fatin mak ita sei hala’o atividade ne’e iha Jináziu Dili, atividade ne’e rejionál entaun ita sei envolve atleta hosi Indonézia, ita konvida mós Malázia maibé sira seidauk fó resposta. Eventu ne’e ita sei akomula atleta hamutuk 100 hanesan ne’e,” nia katak.

Eventu ba tinan ida ne’e sei hala’o ho kategoria lima mak hanesan, men’s athletic fisic, new musel body contes, midel musel, man athletic fisic, women fisic model no bodybuilding.

Atividade ne’e hala’o komisaun fó koinesimentu ba Federasaun Bodybuilding Timor-Leste no Governu tanba atividade hotu iha Governu no federasaun nia okos.

“Atividade ne’e ami hala’o tanba ami atleta, ami ho objetivu ida katak ita kuandu sai atleta la’os atleta los de’it maibé tenke kriativu mak kria netik kompetisaun hodi fó fali servisu ba ita nia maluk sira,” nia dehan.

Iha eventu ne’e komisaun tenta atu husu apoiu hosi Governu bele kria mós sertifikadu balun, nune’e bele oferese ba atleta hirak ne’ebé partisipa iha kompetisaun ne’e.

“Kona-ba finansiamentu ami buka meiu ho ami nia osan rasik ne’ebé apoiu mai hosi patrosinadór prinsipál mak MAI Sport Jone Gym, patrosinadór hosi empreza internasionál balu no lokal balu ne’ebé prontu hela atu apoiu ami hanesan YADEA, BRI no seluk tan,” katak.

Tanba ne’e, komisaun sei loke rezistu ba atleta hahú 08-abril technical meating sei hala’o iha 17 maiu no kompetisaun hala’o iha 18 maiu durante loron ida. 

Jornalista: Hortencio Sanchez

Editór      : Florencio Miranda Ximenes

iklan
iklan

Leave a Reply

iklan
error: Content is protected !!