iklan

HEADLINE, MUNISÍPIU, OÉ-CUSSE (RAEOA)

Cardeal Virgílio: ‘Jesus terus to’o mate nu’udar fini moris’

Cardeal Virgílio: ‘Jesus terus to’o mate nu’udar fini moris’

Cardeal Virgílio do Carmo da Silva, hamutuk ho Prezidente Repúblika, José Ramos Horta, Prezidente Autoridade RAEOA, Rogério Tiago Lobato, sunu hela lilin hodi prepara projesaun Senhor de Morto iha Oé-Cusse. Imajen mídia PR.

OÉ-CUSSE, 30 marsu 2024 (TATOLI) –  Cardeal Virgílio do Carmo da Silva, iha ninia omília ba selebrasaun misa sesta-feira santa, iha Igreja Santa de Lima, Oé-Cusse, sesta ne’e,  esplika ba sarani sira katak, Jesus simu terus terus hotu, hodi lori krúz, la’ós tanba nia sala, maibé nia entrega ninia aan tomak tanba hakarak salva ninia povu hosi sala sira hotu.

“Loron ida ohin, loron ida-ne’ebé úniku, loron espesiál ba ita sarani, atu hanoin Kristu nia terus no nia mate, oras to’o ona ita-nia maksoin hedi tiha iha krúz, Maromak oan mate ba ita ema-nia salan haree bá, haree ita-nia liurai, depois ba nia benefísiu hanesan fini musan ne’ebé monu ba rai no mate atubele fó fali moris ba fini wain liután,” Dom Virgílio do Carmos da Silva esplika ba sarani sira.

Saserdote ne’e, esplika, sesta-feira santa, sarani Katólika hala’o viasakra, ida-ne’e nu’udar dalan krúz atu manán idulujénsia, laiha domíniu ne’ebé fó nia isin tan de’it ema hotu nia sala.

“Nune’e husu sarani sira hotu, atu hadomi hanesan Nain-Jesus Kristu hadomi ita hodi saran nia aan ba mate iha krúz,” nia fó hanoin.

“Nia (Jesus) mate maka ida-ne’ebé simples liu ona, ki’ak liu ona, umilde liu ona, Nia hamaluk ninia-an totalmente, atu-Nia bele koko, saida maka terus, Nia koko saida maka  violénsia.”

Notísia relevante: PR Horta ho emosaun asiste serimónia selebrasaun Senhor de Morto iha Oé-Cusse

Dom Virgílio haklaken, Jesus Nia isin, ne’ebé hedi iha krúz, Nia kanek sira nakonu ho raan, buat ne’ebé Nia ko’alia iha haan kalan ikus, katak, ‘ne’e ha’u isin ne’ebé sei saran ba imi tan imi-nia moris no ba ema tomak.

“Ne’e duni maun-alin sira, ida-ne’e maka Jesus Nia papél, iha ita idak-idak ninia moris, Nia simu kanek tanba ita-nia salan, ita fila kotuk ba Maromak, dalan-hira iha ita-nia moris, ita fila kotuk ba Maromak,” nia katak.

Maibé Jesus sé Nia kotuk, atu ema haleu ho ai-tarak, ita-nia lala’ok sira mak ko’alia lia-falsu no lia-bosok, Jesus Nia lala’ok, lá-koko nia sin no nia moruk, ita-nia fuan maka dalabarak fahe malu no hakanek malu, hahalok ne’ebé sabaraut, maibé ida-ne’ebé hedi iha krúz la’os ita-nian, Jesus ninia uma.

Dom Virgílio do Carmos da Silva SDB, akresenta Na’in-Feto, buka la’o hamutuk ho Jesus, iha Nia krúz, hanesan Na’in-Feto, ita mós buka hetene turuk duni iha krúz hún, kuarezma tomak, ita halo viasakra sesta-feira, ohin mós ita halo viasakra iha Lifau.

“Ita haree ida-ne’ebé nafatin ho Jesus Nia inan, la’o hamutuk ho Jesus to’o krúz hún, ita bele dehan, ita hanesan Simão, Sirene ka hanesan Verónica, ne’ebé tuir Jesus, iha ninia terus iha ninia susar, Jesus dehan, keta tanis mai ha’u, tanis ba imi-nia an, tanis ba imi-nia sala, ida-ne’e mós dehan mai ita liuhosi leitura sira, keta tanis ba Jesus maibé tanis ba ita an rasik, no tanis ba ita-nia sala sira,” nia fó hanoin ba sarani sira iha Oé-Cusse.

Nia hatutan, reinu Maromak ninian, maka ita hotu nia esperansa, reinu Maromak nian, hamutuk buka iha rai-ne’e, reinu Maromak ninian, maka ita hotu servisu maka’as, liu-liu iha semana santa, kredu Páskua ninian.

Entretantu, iha biban ne’e, Dom Virgílio do Carmo da Silva SDB, solisita ba sarani hotu, tanba iha momentu ne’e sai oportunidade ba sarani sira-hotu atu aproveita tempu kmanek wain-ne’e, simu malu no respeita malu nu’udar illas Maromak nian.

Jesus ne’ebé hedi ona iha krúz, husu ba ninia povu sira atu ukun ho loloos hodi labele haterus tan nia, nune’e maka mundu sei hetan dame atu ema hotu sei moris iha ksolok nia laran.

“Loron ida ohin-ne’e loron tuir Jesus, husu  Nai Maromak atu haboot nafatin ita-nia fuan boot atu hatene hadomi, hatene haraik-an no hatene pasiénsia liután ba malu,” nia apela.

Jornalista: Abílio Elo Nini

Editór: Evaristo Soares Martins

iklan
iklan

Leave a Reply

iklan
error: Content is protected !!