iklan

HEADLINE, MUNISÍPIU, OÉ-CUSSE (RAEOA)

PR Horta ho emosaun asiste serimónia selebrasaun Senhor de Morto iha Oé-Cusse

PR Horta ho emosaun asiste serimónia selebrasaun Senhor de Morto iha Oé-Cusse

Nain Jesús Kristu nia sin mate ka misionáriu portugés sira hanaran Senhor de Morto. Imajen mídia PR.

OÉ-CUSSE 30 marsu 2024 (TATOLI) – Prezidente Repúblika, José Manuel Ramos Horta, sente emosaun ho matawen suli, bainhira asiste direita serimónia projesaun Senhor de Morto iha iha Igreja Santa de Lima, Rejiaun Administrativa Espesiál Oé-Cusse Ambeno (RAEOA).

“Páskua iha Oé-Cusse, serimónia ne’e halo ita emosaun, suli ba Nai Kristu,” Xefe Estadu, hakerek iha pájina ofisiál mídia sosiál, hafoin partisipa misa projesaun Senhor de Morto, iha Igreja Santa de Lima, Oé-Cusse, sesta ne’e.

Notísia relevante: Prezidente Repúblika apoia nesesidade bázika ba família 77 iha Oé-Cusse

Xefe Estadu konsidera, Lifau nu’udar kapitál dahuluk Timor-Leste, tanba misionáriu portugés sira, hahú lori misaun Igreja Katólika mai Timor, hahú uluk hosi Lifau iha tinan 1515.

Xefe Estadu, José Ramos Horta, simu hela lilin hodi sunu ba Senhor de Morto atu hala’o projesaun haleu vila Oé-Cusse. Imajen mídia PR

“Biasakra ohin dadeer hahú iha primeira kapitál Timor-Leste, Lifau to’o foho leten, selebrasaun páskua boot tebes, rika ho fé no simbolizmu, ne’ebé dalaruma ha’u mós sai sasin.”

Xefe Estadu, argumenta, depoizde biasakra iha Lifau, dadeer ne’ebé inklui ho ema barak, la’o lalais tebes, iha misa tuku 15.00 lokraik, no termina ho prosesaum durante oras rua.

“Imajen sira rekolla hosi ha’u, Sua Eminénsia Cardeal Dom Virgílio do Carmo, prezide serimónia hotu-hotu, dezde dadeer, la sente kolen sempre hamnasa simples,” Xefe Estadu hateten.

Notísia relevante:Jesus simu terus tanba Maromak tau iha nia kaba’as kasu povu nia sala.

Dom Virgílio Cardeal do Carmo da Silva SDB, agradese ba Autoridade RAEOA, tanba antes ne’e husu liuhosi karta konvite, atu selebra Páskua hamutuk ho sarani sira iha Oé-Cusse.

“Foin daudaun maske la tama iha programa, maibé ho konvite Prezidente Autoridade RAEOA,  ida-ne’e ha’u hatán, tanba uluk kedas sai ona ha’u-nia kompromisu maibé la realiza, entaun oferese oportunidade ne’e, ho ksolok mai atu partisipa iha Oé-Cusse, tanba uluk kedas, sai tiha ona ha’u-nia kompromisu hamutuk ho sarani Oé-Cusse atu selebra Páskua, liuliu loron sesta-feira santa,” nia dehan.

Iha biban ne’e, Cardeal do carmo, fó hanoin ba sarani sira iha Oé-Cusse, prepara-aan neon, iha tempu badak Igreja sei fó sai oráriu ba vizita ofisiál Papa Fransico, ne’e duni konvite konvida sarani Oé-Cusse sira, hotu-hotu atubele tuir selebrasaun ida-ne’e.

Notísia relevante:Sesta-Feira Santa: Krús mak sinál vitória, salvasaun no domin

Entretantu, durante projesaun Senhor de Morto, hala’o kuaze oras rua, hodi haleu sidade oé-Cusse, ne’ebé partisipa iha selebrasaun misa páskua sesta-feira nian iha Oé-Cusse, Prezidente Autoridade RAEOA, Rogério Tiago Lobato, Koordenadór ZEEDOA, João Mendes Gonçalves inklui membru Autoridade no deputadu balun.

Jornalista: Abílio Elo Nini

Editór: Evaristo Soares Martins

iklan
iklan

Leave a Reply

iklan
error: Content is protected !!