iklan

EDUKASAUN

ME sei atribui kaderneta eskolár rihun 155 ba eskola iha territóriu

ME sei atribui kaderneta eskolár rihun 155 ba eskola iha territóriu

Kaderneta Eskolár. Imajen/Espesiál

DILI, 09 abríl 2024 (TATOLI)—Ministériu Edukasaun liuhosi Diresaun Unidade Kurríkulu Nasionál iha fulan ne’e, sei atirbui tan kardenta eskolár ba eskola sira hotu iha territóriu hamutuk rihun 155.

Koordenadór Gabinete Unidade Kurríkulu Nasionál, João Maupelo, hateten hosi rihun 155 ne’e atirbui ba pre-eskolár, enisnu báziku premeiru no segundu siklu, ensinu sekundáriu jerál sira.

“Kaderneta ba estudante foun ita prodús hotu ona, hein atu distribui de’it. Ita iha planu prodús kaderneta ba ensinu báziku primeiru siklu 40.000, ba sira-ne’ebé muda hosi primeiru siklu ba segundu siklu ne’e, ita prodús hamutuk 45.000. Daudaun ne’e, Ministériu Edukasaun prepara tan rihun 40 ba estudante foun sekundáriu jerál iha territóriu no pre-eskolár prodús rihun 30,” nia hateten ba Agência Tatoli, iha nia kna’ar fatin Vila Verde, tersa ne’e.

Nia dehan, iha fulan-abríl ne’e, Ministériu Edukasaun (ME) hahú atribui ba eskola sira hotu, maibé ba iha Servisu Edukasaun Munisípiu ida-idak nian depois mak eskola ba foti.

Koordenadór Eskola Ensiku Báziku Filiál (EBF) Aimutin, Rogério Soares, hateten EBF ida-ne’e seidauk iha kaderneta foun ba estudante sira no hein bainhira mak Governu bele atribui ba eskola ne´e.

“Agora ne’e, ita iha tipu kaderneta foun ida-ne’ebé prienxe hosi primeiru anu to’o sestu anu nian. Uluk ne’e keta-ketak, primeiru anu to’o terseiru anu iha kaderneta ida depois kuartu to’o sestu anu ida. Tanba ne’e ho mudansa foun ne’e ita presiza hein tan tempu. EBF presiza kaderneta 600 hodi atende ba primeiru anu no mós ba kuartu sira,” nia dehan.

Jornalista : Osória Marques

Editór        : Cancio Ximenes

iklan
iklan

Leave a Reply

iklan
error: Content is protected !!