Top

PCIC estende tán averiguasaun ba oknum husu osan ba sidadaun filipinu

Portavós PCIS, Inspetór-Xefe Mário Tavares.

DILI, 23 abríl 2024 (TATOLI) – Portavós Polísia Sientífika Investigasaun Kriminál (PCIC, sigla portugés), Investigadór Xefe, Mario Tavares, dehan PCIC halo tán estensaun ba prazu prosesu averiguasaun hasoru oknum PCIC ne’ebé husu osan ba fuzitivu Arnolf Teves Jr nia oan atu fó seguransa ne’ebé di’ak ba nia aman iha prizaun Becora.

“Ita halo tán estensaun ba prosesu averiguasaun ba ita-nia oknum PCIC ne’ebé husu osan ba fuzitivu Arnolf Teves Jr nia oan, iha prosesu averigasaun ita husu tán fulan ida, nune’e ita bele akomula faktu sira no evidénsia sira ne’e ho di’ak liután. Prosesu averiguasaun ne’e labele lao tuir prazu ne’ebé mak antes ne’e ita define ona, tanba presiza haklen buat balun tán hosi kazu ne’e. Agora prosesu averiguasaun ba oknum PCIC sei kontinua lao hela”, Mario Tavares ba Agência TATOLI, via telefone tersa, ohin.

Nia hateten, oknum PCIC ne’e kontinua kumpre sansaun disiplinár ne’ebé antes ne’e PCIC aplika ona no membru ne’e to’o agora seidauk halao fali funsaun hanesan membru PCIC ativu.

“Prosesu disipinar ba oknum PCIC ne’e kontinua lao. Ita hein de’it rezultadu. Prosesu sei lao hela, ita hein nia rezultadu”, nia adianta.

Rekorda fali katak PCIC halo ona averiguasaun iha Segunda-feira (08/04) no aplika ona sansaun disiplnár ba oknum PCIC ho inisiál OA tanba suspeita ba kazu husu osan ba fuzitivu Arnolf Teves Jr nia oan atu fó seguransa ne’ebé di’ak ba nia aman Arnolf Teves Jr iha prizaun Becora.

Notísia rlevante : PCIC suspende membru tanba suspeita husu osan ba oan hosi fujitivu iha estabelesimentu prizionál

Ministériu Justisa sei demite oknum PCIC ne’ebé husu osan ba sidadaun Filipina

Jornalista: Natalino Costa

Editór : Zezito Silva

Publisidade

Leave a Reply

Latest Post

error: Content is protected !!