Prezidente TR konta indefere pedidu azilu polítiku hosi sidadaun filipinu

DILI, 24 abríl 2024 (TATOLI) – Prezidente Tribunál Rekursu (TR) Deolindo dos Santos, dehan Tribunál indefere pedidu azilu polítika sidadaun Filipina Arnolfo Teves Jr, tanba la la’o tuir tramitas legál balun.
“Iha duni pedidu ida hosi hosi sidadaun filipinu ida mai iha Tribunál Rekursu no iha kazu ida ne’e ha’u lembra muito bem katak pedidu ida-ne’e la kumpre tramitasaun legal, depois Tibunál Rekursu rejeita nia rekursu ida no depoisde ida-ne’e iha tan rekursu kona nia azílu polítiku ne’e”, Deolindo dos Santos ba jornalista sira iha nia kna’ar fatin Caicoli, kuarta ne’e.
Nia dehan, filipinu nia pedidu ne’e rekere ba Tribunál maibé la justifika fundamentu sira tanba sá no ho kondisaun saida mak nia hakarak hili hodi hela iha Timor-Leste.
“Entaun Tribunál Rekursu entende ida-ne’e, hodi indefere pedidu sidadaun filipinu ne’ebé atu husu azilu polítiku”, nia adianta.
Deolindo hateten, azilu polítiku ne’e buat ki’ik, buat bo’ot mak responsablidade mai hosi Governu atu halo aziliu, ida-ne’e tenke tuir prosedimentu sira.
Rekorda katak iha sesta (21/3/2024) iha tuku 16:00 loraik, PCIC halo detensaun internasionál hasoru sidadaun Filipinu Arnolfo Teves Jr, iha área Cristo Rei bainhira sidadaun ne’e halimar Golf iha fatin ne’e.
PCIC halo detensaun internasionál tanba simu informasaun hosi Interpol internasionál no National Bureau of Investigation (NBI) katak sidadaun ne’e komete krime asasinatu ida iha Filipina.
Notísia relevante : PCIC estende tán averiguasaun ba oknum husu osan ba sidadaun filipinu
Tribunál análize pedidu ezíliu Filipinu 13
Jornalista: Natalino Costa
Editór : Zezito Silva

