iklan

HEADLINE, KAPITÁL

SEKOMS hakarak inisia portál rejistrasaun jornalista iha ámbitu vizita Amu Papa

SEKOMS hakarak inisia portál rejistrasaun jornalista iha ámbitu vizita Amu Papa

Sekretáriu Estadu Komunikasaun Sosiál, Expedito Dias Ximenes. Imajen Tatoli/Francisco Sony

DILI, 08 maiu 2024 (TATOLI)—Sekretaria Estadu Komunikasaun Sosiál (SEKOMS) hakarak inisia portál espesiál ba rejistrasaun jornalista sira ne’ebé sei hetan ona akreditasaun, iha ámbitu vizita Amu Papa, iha loron 09 to’o 11 maiu 2024.

“Husi loron 01-05 juñu 2024, bainhira ekipa avansadu ne’e mai, ami sei aprezenta relatóriu preparasaun nian no ami sei lansa website espesiál ida ba rejistrasaun jornalista sira liuhusi online hodi hetan akreditasaun halo kobertura ba atividade vizitasaun Papa,” Sekretáriu Estadu Komunikasaun Sosiál, Expedito Dias Ximenes, informa iha Gabinete SEKOMS, Palásiu Governu, kuarta ne’e.

Notísia relevante : Governu autoriza despeza to’o millaun $12 ba preparasaun vizita Papa Francisco

Nia deskreve, portál espesiál sei permite mídia no jornalista sira halo rejistasaun online hodi hetan akreditasaun.

“Kada mídia ida sei rejista ema na’in hira tenke ho kedan kredensiál ne’ebé iha, mínimu tenke iha karteira profesionál no kartaun mídia ne’ebé jornalista serbisu ba. Ida-ne’e hanesan rekezitu ne’ebé vatikadu husu atu hetan kredensiál ne’e tenke iha karteira profesionál. Tanba ne’e Konsellu Imprensa sei haree kestaun ne’e iha tempu badak,” nia akresenta.

Governu liuhusi SEKOMS sei envolve parte Igreja Katólika hodi halo serbisu ne’e.

“Parte komunikasaun nian husi Governu ha’u rasik mak haree asuntu ne’e no parte Igreja nian Padre Bento Barros, ami loron-loron halo koordenasaun serbisu,” nia tenik.

Jornalista     : Arminda Fonseca

Editora          : Julia Chatarina

iklan
iklan

Leave a Reply

iklan
error: Content is protected !!