Calema kanta múzika ‘’a nossa vez’’ no múzika sira seluk iha konsertu Festival Tasifest
DILI, 17 maiu 2024 (TATOLI) – Artista Fradique Mendes Ferreira, dehan Calema lori múzika ‘’a nossa vez’’ no múzika sira seluk hodi anima povu Timor-Leste iha Portu Dili.
“Iha loron 19 maiu, ami sei kanta múzika ‘’a nossa vez’’ no mós ami-nia múzika sira seluk, atu anima Povu Timor-Leste iha Portu Dili, tanba ami-nia múzika ne’e imi hotu hatene”, Fradique Mendes Ferreira informa ba jornalista sira iha Timor Plaza Lantai-5, ohin.
Nia dehan, hafoin kanta, Calema mós ba vizita Cristo Rei no fatin sagaradu sira iha Dili.
“Aban ami sei ba fatin interesante sira hanesan Cristo Rei no fatin sagradu sira ne’ebé mak iha no mós konta istória realidade kona-ba Timor-Leste no mós halo video klip iha nasaun ida-ne’e”, nia relata.
Nia esplika, Timor-Leste ne’e impotarnte tebes ba Calema tanba hola parte iha Komunidade Nasaun Lian Portugés atu konsidera hanesan família ida.
“Ami mai Timor-Leste tanba Timor hola parte iha Komunidade Nasaun Lian Portugés (CPLP) tanba ne’e konsidera hanesan família ida”, nia esplika.
Notísia relevante : Artista Calema sei anima povu TL hodi selebra Festival Tasifest
Calema hasoru malu ho Vise-Primeiru-Ministru Kalbuady
Jornalista : Felicidade Ximenes
Editór : Zezito Silva
