JUSTISA, HEADLINE

Governu deside haruka fila Fuzitivu Arnolfo Teves Jr ba Filipina

Governu deside haruka fila Fuzitivu Arnolfo Teves Jr ba Filipina

Ministru Justisa, Sergio Hornai. Foto Tatoli/Francisco Sony

DILI, 20 maiu 2024 (TATOLI) – Ministru Justisa (MJ), Sergio da Costa Hornai, hateten Governu deside liuhosi estradisaun ba fuzitivu Arnolfo Teves Jr hodi haruka fila ba nia nasaun orijen Filipina.

Governante ne’e hateten, desizaun ne’ebé mak Governu liuhosi Ministru Justisa foti ba Fuzitivu Arnolfo Teves Jr mak halo estradisaun ba fuzitivu ne’e signifika Governu admite hodi haruka fila fali fuzitivu refere ba nia nasaun orijen Filipina.

“Desizaun hanesan ita bo’ot sira hatene, ita tetu ba sirkuntánsia hothotu, tetu ba lei penál ne’ebé aplika iha Filipina, haree mós ba prosesu sira tomak, haree ba matéria sira liuliu kona-ba lei aplikasaun pena abstrata ninian katak neste momento laiha pena de morte, laiha prizaun perpetua, hirak ne’e hotu reune mós sirkuntánsia sira hotu ne’ebé mak ita iha, liuliu ita haree ba importánsia Timor-Leste nian nu’udar nasaun observadór ba ASEAN”, nia afirma.

Hornai hateten, desizaun ba Fuzitivu Arnolfo Teves ne’e konserteza iha buat rua de’it mak rekuza ou admite estradisaun.

“Konserteza iha desizaun tenke ba buat rua ne’e de’it, ita atu rejeita ou ita atu admite para nia tenke fila fali ba nia rai”, nia haktuir.

Nia dehan, tuir pedidu ne’ebé Ministériu Justisa nian ba Prokuradór Jerál Repúblika katak Ministériu Públiku iha oras 48 atu konklui prosesu judisiáriu ida-ne’e, hodi enkamiña ba Tribunál hodi Tribunál halo desizaun molok halo estradisaun ba Fuzitivu Arnolfo Jr ka haruka fila Fuzitivu Arnolfo ba fali nian nasaun orijen.

“Bom, ita hein prosesu balun, Ministeriu Publiku iha dentro de praso oras 48 oras atu hare ida-ne’e”, Governante ne’e konklui.

Notísia relevante : Arnolf Teves hakerek karta iha prizaun husu Governu salva ninia vida

Jornalista: Natalino Costa

Editór : Zezito Silva

iklan
iklan

Leave a Reply

iklan
error: Content is protected !!