EKONOMIA, HEADLINE, MUNISÍPIU, OÉ-CUSSE (RAEOA)

Kooperativa CU Oé-Cusse realiza asembleia jerál promove transparánsia ho dijitalizasaun

Kooperativa CU Oé-Cusse realiza asembleia jerál promove transparánsia ho dijitalizasaun

Sekretáriu Estadu Kooperativa, Arsénio Pereira da Silva, abertura Asembleia jerál ba da-XIII, kooperativa CU Enklave Oé-Cusse tinan fiskál 2019-2023. Imajen Tatoli/Abílio Elo Nini.

OÉ-CUSSE, 24 maiu 2024 (TATOLI) – Kooperativa Kréditu Uniaun (CU) Enklave, iha Rejiaun Administrativa Espesiál Oé-Cusse Ambeno (RAEOA), sesta ne’e realiza asembleia jerál ba da-XIII períodu 2019 to’o 2023 ho tema promove transparánsia ho dijitalizasaun liuhusi rai no empresta osan ho disiplina.

“Ohin ita halibur hamutuk atu rona aprezentasaun relatóriu anuál tinan lima nian, hahú 2019 to’o 2023, atu avalia no deskuti kona-bá progresu, dezafiu ne’ebé kooperativa CU hasoru durante ne’e ho membru sira, mai ita hamutuk la’o ba oin,” Prezidente kooperativa CU Enklave Oé-Cusse Martinho Abani Elo, ko’alia iha otél Ambeno.

Martinho Abani, fó sai, kooperativa CU hahú ejiste iha RAEOA tinan 22 ona, tanba hahú ejiste iha 2002 to’o 2010, komesa aprende ho nia atividade husi uma ida ba ema seluk, husi 2010 to’o 2014 CU hamrik ona ho edifisíu rasik, ba oin tenki iha fatin di’ak ba nafatin no to’o daudaun akumula ona membru 1.484 ho grupu 11 mak eziste iha territóriu Oé-Cusse.

“Ha’u fiar tanba ita-boot sira, ohin ita bele tuur iha ne’e, tanba imi mak iha ekipa organiza (pengurus) no funsionáriu, no membru ativu hamutuk 1.484 komposta husi mane 892 no feto 592, membru edukasaun idade seidauk to’o tinan 17, hamutuk 216 komposta husi labarik mane 141 no feto 71,” nia informa.

Martinho Abani Elo, esplika, orsamentu daudaun iha kooperativu CU Enklave hamutuk millaun $2.6.

Orsamentu kapitál ba membru sira atu asesu kréditu atu impresta totál hamutuk millaun $1-resin, no orsamentu ba labarik sira husi idade 17 mai kraik tau osan iha kooperativa CU rihun $700-resin.

Husi orasmentu hirak-ne’e, tuir estatutu kooperativa CU Enklave Oé-Cusse, katak, hasai 20% husi orsamentu ba edukasaun apoia ba kapitál membru ninian, empréstimu ba membru daudaun ne’e kooperativa CU Enklave fó ona empréstimu másimu rihun $100.

Kona-bá empréstimu to’o tinan 2023 ne’e millaun $1-resin mak sirkula iha membru sira-nia liman, husi orsamentu ne’e rendimentu fin do ano 2023 ne’e, lukru iha rihun $200-resin, kona-bá despeza osan gasta selu funsionáriu, apoia fasilidade no operasionál no seluk-tán hamutuk rihun $97-resin, rendimentu atu fahe ba membru sira hamutuk rihun $100-resin.

“Tan ne’e ha’u reprezentan Kooperativa CU Enklave, husu ba SEkoop atu apoia ba formasaun espesifiku ba direitivu no funsionáriu sira, fó apoia ba kooperativa ba treinadór sira, estudu komparativu ba rai liur, akompañamentu monitorizasaun no no halo auditoria husi Gabinete SEKoop ba ami kooperativa, tanba auditoria ne’e importante atu leno no avalia lala’ok manajementu no ezekusaun finánseiru iha koopertaiva nia laran,.

Iha biban ne’e, Sekretáriu Estadu Kooperativa, Arsénio Pereira da Silva, hateten, hanesan Governu persiza dezenvolve setór ekonomia liuhusi movimentu kooperativa sira.

Tanba papél Governu ho nia programa sira-ne’ebé iha oinsa atu fasilita apoia hodi dudu movimentu koopertaiva sira, nune’e nia dezenvolvimentu sira bele priénse ekonómia iha familiár ninian.

“Tan nee Governu iha programa prinsipál neen, maibé ida-ne’e atu dudu ekonómia familiár nian liuhusi movimentu koopertiva sira,  kooperativa sira iha territóriu nasionál hamutuk kooperativa 219, maioria kréditu uniaun mak barak, no kapitál ne’ebé akumula to’o ohin loron besik ona millaun $16,” nia katak.

Tuir nia, iha dezenvolvimentu kooperativa tinan barak, kontribuisaun husi movimentu kooperativa sira seidauk bo’ot maibé ida-ne’e fas parte ona iha dezenvolvimentu setór ekonómia no bele priénse no apoia ona uma-kain liuhusi movimentu kooperativa.

“Tan ne’e, rekomendasaun ne’ebé hato’o, hanesan Governu ha’u konsidera importante atu fasilita nesesidade husi movimentu kooperativa, sira-ne’ebé iha atu dezenvolve di’akliu-tán, tanba ne’e fas parte husi atividade ne’ebé atu dudu ekonómia iha rai laran.

Jornalista: Abílio Elo Nini

Editór: Evaristo Soares Martins

iklan
iklan

Leave a Reply

iklan
error: Content is protected !!