iklan

HEADLINE, KAPITÁL

Ekipamentu serbisu ba Pesoál Apoia Suku iha ona prosesu aprovizionamentu

Ekipamentu serbisu ba Pesoál Apoia Suku iha ona prosesu aprovizionamentu

Sekretáriu Estadu Dezenvolvimentu Lokál, Mateus dos Santos Tallo. Imajen Tatoli/Sérgio da Cruz

DILI, 03 juñu 2024 (TATOLI)—Sekretáriu Estadu Dezenvolvimentu Lokál, Mateus dos Santos Tallo, informa, ekipamentu serbisu ba Pesoál Apoia Suku (PAS) daudaun iha ona prosesu aprovizionamentu.

“Ha’u hanoin ekipamentu atu apoia ba ita-nia funsionáriu suku sira agora iha ona prosesu aprovizionamentu, bainhira konklui ona mak sei distribui ba suku sira,” Sekretáriu Estadu Mateus hateten, iha salaun Institutu Nasionál Administasaun Públika (INAP), Comoro, segunda ne’e.

Pesoál Apoia Suku sira ne’ebé rekrutadu, daudaun ne’e asina ona kontratu no hahú ona halo serbisu iha suku sira maibé sira preokupa fasilidade serbisu hanesan komputadór no seluk tan atu hato’o de’it katak iha ona prosesu aprovizionamentu.

Notisia relevante : Autoridade lokál husu atu apoia ekipamentu serbisu ba Pesoál Apoia Suku

Goveru liuhusi Ministériu Administrasaun Estatal (MAE) bazeia ba dekretu-lei númeru 81/2023 loron 11 outubru, iha loron 18 marsu 2024 halo ona rekrutamentu Pesoál Apoia Suku hamutuk na’in-haat hodi destaka ba kada suku hanesan Sekretáriu Administrasaun Suku, Ofisiál Finansa Suku, Ofisiál Administrasaun Suku no Ofisiál Asuntu Sosial Suku.

PAS sira ne’e asina kontratu termu sertu ho kedas saláriu variedade hanesan Sekretáriu Suku kada fulan simu vensimentu $170, enkuantu na’in-tolu seluk haesan Ofisiál Finansa Suku, Ofisiál Administrasaun Suku no Ofisiál Asuntu Sosial Suku kada fulan hetan $150.

Jornalista     : Arminda Fonseca

Editora          : Julia Chatarina

iklan
iklan

Leave a Reply

iklan
error: Content is protected !!