iklan

HEADLINE, MUNISÍPIU, OÉ-CUSSE (RAEOA)

Estudante EPE Dominikana Oé-Cusse selebra aniversáriu Primeiru Ministru

Estudante EPE Dominikana Oé-Cusse selebra aniversáriu Primeiru Ministru

Estudante Ensinu Pré-Eskolár (EPE) Dominikana Oé-Cusse hamutuk ho Autoridade RAEOA liuhusi Asesoria Asuntu Fortalesimentu Institusionál, kinta ohin selebra loron aniversáriu Primeiru Ministru, Kay Rala Xanana Gusmão ba dala-78, (20 juñu 1946- 20 juñu 2024). Imajen Tatoli/Abílio Elo Nini.

OÉ-CUSSE, 20 juñu 2024 (TATOLI) – Estudante Ensinu Pré-Eskolár (EPE) Dominikana Oé-Cusse hamutuk ho Autoridade Rejiaun Administrativa Espesiál Oé-Cusse Ambeno (RAEOA) liuhusi Asesoria Asuntu Fortalesimentu Institusionál, kinta ohin selebra  loron aniversáriu Primeiru Ministru, Kay Rala Xanana Gusmão ba dala-78, (20 juñu 1946- 20 juñu 2024).

“Lori ami-nia eskola Katólika ne’e nia naran, ami hakarak hato’o ami-nia votu parabéns ba loron moris Primeiru Ministru Kay Rala Xanana Gusmão ba dala-78,” Koordenadora EPE Dominikana, Irmá Maria de Fátima Sequeira, hafoin selebra iha salaun Dominikana Oé-Cusse.

“Ohin loron importante hodi komemora Primeiru Ministru nia loron moris ba dala-78, ami fiar katak, ho sakrifísiu ne’ebé Maun Boot halo ba ita-nia rai doben Timor-Leste, ami-nia orasaun espesiál ba nia (Xanana), atubele hetan grasa isin di’ak hodi kontinua hala’o nafatin serbisu ne’ebé ita-nia rai presiza, ami hamutuk ho madre sira hotu komunidade ida-ne’e, ami-nia orasaun nafatin ba Avo Xanana, nune’e bele hetan saúde di’ak,”.Koordenadora ne’e parabeniza.

Iha biban ne’e, Asesora ba Asuntu Fortalesimentu Institusionál, Morga de Fátima Ote, parabeniza Xefe Governu nia aniversáriu ba da-78.

“Ida-ne’e inisiátiva rasik husi Asesoria ba Asuntu Fortalesimentu Institusionál ho ekipa tomak, maske ita dook husi nasionál maibé nu’udar ita mós realiza iha Autoridade hodi komemora, husu nafatin ba Aman Maromak, no reza ba nia (Xanana) atu hetan saúde di’ak, vida naruk atu lidera ita-nia rai nafatin hetan susesu hodi lori Timor-Leste ba oin,”  nia katak.

Notísia relevante: Padre Graciano: Husu Maromak haraik matenek ba PM Xanana lori povu ba moris di’ak

Entretantu, durante selebrasaun ne’e, hahú ho reza preside husi Irmá Maria de Fátima Sequeira, kontinua selebrasaun aniversáriu hosi hú lilin akompaña ho kanta múzika aniversáriu, kontinua ko’a doxe no loke sampaña no taka ho fahe doxi ba estudante Estudante Ensinu Pré-Eskolár (EPE) Dominikana.

Jornalista: Abílio Elo Nini

Editór: Evaristo Soares Martins

iklan
iklan

Leave a Reply

iklan
error: Content is protected !!