iklan

EKONOMIA, VIQUEQUE

INSS-BNCTL halo pagamentu ba subsídiu idozu na’in-228 iha Uma Uain-Leten

INSS-BNCTL halo pagamentu ba subsídiu idozu na’in-228 iha Uma Uain-Leten

Idozu sira tuur hein atu simu pensau sosiál faze daruak iha suku Uma Uain-Leten Viqueque. Imajén Tatoli/Vitorino Lopes da Costa

VIQUEQUE, 20 juñu  2024 (TATOLI)-Xefe suku Uma Uain-Leten, Postu Administrativu Viqueque Vila, Munisípiu Viqueque, Martinho Gusmão, informa, Institutu Nasionál Seguransa Sosiál (INSS) no Banku Nasionál  Komérsiu Timor-Leste (BNCTL, sigla portugés)  halo ona pagamentu ba subsídiu idozu na’in-228.

“Pagamentu subsídiu idozu ba faze daruak iha ami-nia suku simu hotu ona. Ba idozu sira-ne’ebé  la’o labele ami autoridade akompaña ho ekipa Banku Nasionál  Komérsiu Timor-Leste (BNCTL, sigla portugés) to’o sira-nia uma hasai fotografia depois família sira bá simu sira-nia diretu”, Martinho Gusmão, hateten ba Agência Tatoli, iha sede suku Uma Uain Leten,  ohin.

Kona-ba banifisiáriu pensaun sosiál ferik-katuas ho idade 60 to’o 69 simu $60, idade 70 to’o 79 simu $80 no idade 80 ba leten simu $100 kada fulan.

Autoridade komunitária ne’e dehan, prosesu pagamentu  idozu sira aprezenta sira-nia kartaun eletorál no konta bankária, hafoin simu sira-nia diretu. Nune’e konsiders pagamentu ba tinan ida-ne’e hahú di’ak presiza kontinua hadi’ak atu hafasil idozu sira asesu ba sira-nia direitu.

“Liuliu ba oráriu pagamentu hanesan foin lalais halo pagamentu iha suku Uma Uain-Leten tuku 16:00, entaun difikulta ba idozu sira ne’ebé la’o do’ok. Ida-ne’e mak Governu presiza tau atensaun, karik bele pagamentu halo iha dader”, nia fó hanoin.

Autoridade lokál ne’e husu ba ferik no katuas sira ne’ebé simu pensaun tenke uza ba nesesidade loron-loron hanesan sosa hahan sira hodi hasa’e nutrisaun, labele uza ba atividade kulturál hanesan lia mate no lia moris sira.

“Baibain tempu halo pagamentu ha’u semprea alerta ba benfisiáriu sira katak osan sira-ne’e simu sustenta ba ita-nia an la’ós ba halo fali lia. Governu fó ba imi (ferik-katuas) atu hadi’ak imi-nia nutrisaun”, nia haktuir.

Enkuantu, tuir dadús idozu husi suku Uma Uain-Leten ba pagamentu faze daruak totál na’in-228, husi númeru  idozu ne’ebé mate na’in-36 família sira trata ona sertidaun óbitu ne’ebé simu ona direitu hotu no taka ona iha lista pagamentu.  Maibé ba idozu rejistu foun ba tinan 2024 hamutuk 20 naran seiduak sai iha lista pagmanetu nune’e sira seiduak asesu ba direitu.

Entertantu, tuir dadús benifisiáriu  iha munisípiu Viqueque na’in-8.905 kompostu husi postu Uatucarbau idozu na’in-985, postu Uatulari  na’in-2.530, postu Viqueque Vila  na’in-2.288, postu Lacluta na’in-1010 no postu Ossu 2.092.

Oráriu pagamentu ba benifisiáriu idozu hahú loron 18 no ramata iha loron 24  Juñu 2024.

Jornalista   : Vitorino Lopes da Costa

Editór       : Florencio Miranda Ximenes

iklan
iklan

Leave a Reply

iklan
error: Content is protected !!