iklan

EKONOMIA, INTERNASIONÁL, DILI, HEADLINE, KAPITÁL

MNEK-Austrália realiza semináriu kona-ba adezaun TL ba ASEAN iha área komérsiu

MNEK-Austrália realiza semináriu kona-ba adezaun TL ba ASEAN iha área komérsiu

Imajen/espesiál

DILI, 24 juñu 2024 (TATOLI) – Ministériu Negósiu Estranjeiru no Kooperasaun (MNEK) liuhusi kolaborasaun ho Austrália nia programa Parseria ba Prosperidade Inklusivu (PROSIVU), organiza semináriu durante loron lima 24-28 juñu iha Ótel Novo Turismo Dili hodi ko’alia kona-ba Timor-Leste nia Adezaun no Integrasaun ba Komunidade Ekonómia ASEAN  iha setór negosiasaun komérsiu no investimentu.

Timor-Leste ho dilijente prepara aan no kumpre hodi adere ba akordu protokolu no mós kuadru jurídiku sira iha ámbitu ASEAN, inklui mós komunidade kkonómia ASEAN nian.

Rekezitu sira ne’ebé sei kumpre mak hanesan asesu merkadu ba sasan no serbisu nian, movimentu ema no investimentu.

Vise-Ministra ba Asuntu ASEAN, Milena Rangel. Imajen/espesiál

Hodi apoiu esforsu hirak nee, MNEK nu’udar ministériu koordenador adezaun ba ASEAN nian hamutuk ho PROSIVU, programa husi Austrália nian organiza ofisiais husi Governu no mós ministériu relevante sira nune’e mós pesoál negosiadór tékniku sira, hodi tuir formasaun durante loron lima ho rigorozu kona-ba negosiasaun komersiu no investimentu nian.

Formasaun ne’e sei eleva koñesimentu no abilidade partisipante sira hodi dezenvolve kalendáriu konaba Timor-Leste nia asesu ba merkadu ASEAN nian no mos sei ajuda hodi prepara no envolve an iha diskusaun no negosiasaun signifikante sira haktuir husi kalendáriu Estadu Membru ASEAN nian.

Tanba ne’e, Vise-Ministra ba Asuntu ASEAN, Milena Rangel, hateten, Timor-Leste totalmente iha kompromisu hodi sai membru plenu ASEAN no garante ho kapasidade sufisiente hodi implementa kompromissu ASEAN nian ho sentidu hodi alkansa objetivu integrasaun rejional.

“Bainhira ami inisia serbisu konaba kalendáriu adezaun ba merkadu nian, haktuir husi rekerimentu mapa roteiru nian, formasaun konaba negosiasaun komersiu no investimentu ASEAN nian, nee sai momentu oportunu tebes hodi ajuda Governu ho kompetênsia nesesária sira hodi prepara kalendáriu ho susesu iha prosesu negosiasaun ba ASEAN,” Vise-Ministra ne’e katak liu husi nota ne’ebé Agência asesu, ohin.

Iha  sorin seluk Adjunta Xefe Missaun Embaxada Austrália iha Timor-Leste hateten, parte importante husi adezaun ba ASEAN mak negosiasaun, asina no implementa intrumentu legál importantes sira, hodi hetan rezultadu ne’ebe di’ak liu iha komérsiu no ekonomia Timor-Leste nian.

“Austrália sei kontinua apoiu Timor-Leste nia jornada iha adezaun ba ASEAN, no hakarak atu kontinua fornese apoiu ba Governu Timor-Leste hodi lori Timor-Leste iha prosesu ba adezaun no integrasaun ASEAN nian,” Katak.

Jornalista: Hortencio Sanchez

Editór: Florencio Miranda Ximenes

iklan
iklan

Leave a Reply

iklan
error: Content is protected !!