iklan

EDUKASAUN, DILI

MPIE asina ona nota kooperasaun ho universidade 5 iha Portugal

MPIE asina ona nota kooperasaun ho universidade 5 iha Portugal

Diretór Ezekutivu FDCH, Júlio Aparício. Imajen Tatoli/Francisco Sony

DILI, 01 jullu 2024 (TATOLI) Ministériu Planeamentu Investimentu Estratéjiku (MPIE), asina ona nota kooperasaun ho universidade lima iha Portugal, hodi haruka bolseiru timoroan na’in 50 atu bá estuda iha área diretu iha nasaun Europea ne’e.

Diretór Ezekutivu Fundu Dezenvolvimentu Kapitál Humano (FDCH-sigla portugués), Júlio Aparício, relata nota kooperasaun ne’e asina diretamente hosi Ministru Planeamentu Investimentu Estratéjiku, Gastão de Sousa, iha fulan kotuk hodi dezenvolve rekursu umanu iha  iha área diretu.

“Ami asina ho universidade lima ba reforma justisa nian, iha Portugal. Ne’ebé ami prepara rekursu 50 ba iha área direitu nian hodi estudu iha universidade lima. Nune’e ami ba asina ho Universidade Cátolica de Lisboa, Universidade do Minho, Universidade Coimbra, Universidade Porto no Universidade Nova de Lisboa,” Nia informa ba TATOLI, iha ninia servisu fatin Colmera, Dili, segunda ne’e.

Nia esplika, daudaun ne’e, Koordenadora Grupu Traballu Reforma Justisa, Lucia Lobato, maka lidera hela ekipa ida ne’e hodi halo selesaun dokumentus aplikantes sira ne’ebé nian ne’ebe maka antes ne’e hatama ona aplikasaun ba vaga bolsa estudu ne’e.

“Nune’e iha Fulan Agustu ne’e sira[bolseiru-red] bá Portugal ona. Tanba daudaun ne’e selesaun hela iha gabinete Primeiru-Ministru, ne’ebé Koordenadora Grupu Traballu Reforma Justisa Lúcia Lobato mak lidera ,” nia hateten.

“Ami koloka ba ida-ne’e rihun $750 ba reforma justisa nian, ne’ebé utiliza ba ida-ne’e,”nia hateten.

Jornalista: Osória Marques

Editór     : Agapito dos Santos

 

 

iklan
iklan

Leave a Reply

iklan
error: Content is protected !!