iklan

INTERNASIONÁL, DESPORTU, HEADLINE

Eventu AUG: Atleta Felisberto okupa kuartu lugar no Ángela terseiru lugar

Eventu AUG: Atleta Felisberto okupa kuartu lugar no Ángela terseiru lugar

Atleta Ángela Freitas n sai terseiru lugar iha kurida metru 5000 atletizmu nian.Imajen/espesiál

DILI, 02 jullu 2024 (TATOLI) – Eventu rejionál ASEAN University Games (AUG) 2024 ne’ebé realiza iha Surabaya Indonézia Timor-Leste liuhusi modalidade atletizmu ne’ebé reprezenta husi Felisberto de Deus konsege termina nia kurida iha kilometru 10 iha pozisaun kuartu lugár no atleta Ángela Freitas de Fátima okupa terseiru lugár.

“Ohin ami kompete ona iha kilometru 10 nian, maibé ha’u termina ho pozisaun dala-haat, maske lakon ha’u sente orgullu tanba ha’u konsege so’e nasaun tolu iha kotuk,” atleta Felisberto hateten ba Agência TATOLI via media sosial WhatsApp, tersa kalan.

Iha kurida ne’e, Indonézia mak hanesan primeiru lugar, segundu Singapura, terseiru Filipina, kuartu Timor-Leste, kintu Malázia, sestu Kamboja no ikus liu Filipina.

Tuir oráriu ne’ebé iha Felisberto sei kompete fali iha kilometru lima ne’ebé sei akontese iha loron 06 Jullu ne’e.

Enkuantu iha kurida ba feto atleta timoroan Ángela Freitas de Fátima konsege sai nu’udar manán na’in dala-tolu iha metru 5.000.

Husi vitória ne’ebé Ángela hetan oferese ona medalla osan metan ida ba Timor-Leste iha eventu rejionál ne’e.

Eventu rejionál ne’e hala’o akomula atleta husi Universidade sira iha nasaun membru ASEAN nian hanesan, Indonézia, Malázia, Sigapura, Tailándia, Vietname, Kamboja, Laos, Myanmar, Filipina, Brunei Darusalam no Timor-Leste.

Iha ne’ebé Timor-Leste reprezenta atleta no ofisiál hamutuk ema na’in 48 mak ba kompete iha eventu ne’e, no atleta sira mai husi Universidade hanesan, UNTL, DIT, UCT, UNITAL no UNPAZ.

Jornalista: Hortencio Sanchez

Editór: Florencio Miranda Ximenes

iklan
iklan

Leave a Reply

iklan
error: Content is protected !!