DILI, 26 agostu 2024 (TATOLI)–Ekipa delegasaun husi Vatikanu sujere ba Governu no igreja atu koloka sarani sira iha fatin mamuk sira ne’ebé Papa Francisco sei liu atu halo enkontru ho padre, bispu, seminarista no katekista iha Igreja Katedrál.
“Uluk ne’e fatin ka espasu iha sorin-sorin husik mamuk ba fatin ne’ebé Amu Papa liu ne’e, maibé agora sira fó posibilidade atubele prense ho ema atu Amu Papa liu ne’e atu husik mamuk, maibé sira husu kona-ba alterasaun númeru enkontru husi relijiozu, padre no Bispu, seminarista no katekista sira. Padre dehan laiha númeru alterasaun ba enokontru ne’e,” Padre Pároku Nossa Senhora Imaculada da Conceição, Paulos Maia, hateten, hafoin inspesaun ho ekipa Vatikanu iha Igreja Katedrál, Vila-Verde, segunda ne’e.
Notísia relevante : Dalan protokolu husi Aeroportu Comoro to’o Katedrál sei taka durante vizita Papa Francisco
Iha fatin hanesan, Vise-Koordenadór ba vizita Papa no atuál Ministru Administrasaun Estatál, Tomás do Rosário Cabral, informa katak iha mudansa oituan kiik ida.
Nune’e mós, Núnsiu Apostólika Vatikanu iha Timor-Leste, Monseñor Marco Sprizzi, hateten, inspesaun ne’e ba preparasaun fatin ba sarani sira hodi bele haree di’ak Santu Padre.
“Buat hotu prepara di’ak ona ba relijioza, padre no madre sira, seminarista no katekista ba eventu enkontru ho Papa,” Apostólika Vatikanu iha Timor-Leste, Monseñor Marco Sprizzi, tenik.
Monseñor dehan, iha eventu ne’ebé de’it sempre iha buat di’ak tanba sempre iha dansa kulturál ne’ebé atu simu Papa hakarak haree, sei fó bensaun mos ba iha ema ho defisiénsia no ema moras.
“ida-ne’e presiza atu prepara di’ak,” nia katak.
Jornalista : Jesuína Xavier
Editora : Julia Chatarina