iklan

DESPORTU, DILI, HEADLINE

Atletizmu sei halo selesaun ba atleta na’in-ualu hodi kompete iha jogu CPLP

Atletizmu sei halo selesaun ba atleta na’in-ualu hodi kompete iha jogu CPLP

Federasaun Atletizmu Timor-Leste (FATL), durante loron rua, finaliza ona kampionatu nasionál atletizmu ho susesu hodi buka fini atleta prepara ba selesaun nasionál no jogu internasionál tolu hanesan jogu CPLP, ASEAN University Games no Olimpiku Paris, sábadu (04 maiu 2024). Imajen tatoli/Hortencio Sanchez.

DILI, 08 janeiru 2025 (TATOLI) – Prezidente Federasaun Atletizmu Timor-Leste (FATL) Afrânio Amaral, informa, sei halo selesaun ba atleta na’in-ualu, hodi kompete iha jogu Komunidade Ko’alia Lian Portugés (CPLP-sigla portugés) ne’ebé sei akontese fulan-jullu mai ne’e.

“Kona-ba jogu CPLP nian ita sei halo lai selesaun liuhusi kampionatu nasionál ne’ebé sei realiza iha fulan hira mai oin, atu nune’e atleta sira ne’ebé iha prestasaun mak ita bele hili atu kompete iha jogu ne’e, ita hatenete katak jogu ne’e, nasaun lubuk ida hanesan Angola, Brazíl, Gune Bissau sira ne’e halai maka’as entaun ita tenke prepara halo didi’ak hafoin kompete,”  Prezidente Afrânio hateten ba Agência TATOLI iha Estádiu Munisipál Dili, kuarta ne’e.

Notisia relevante:Timor-Leste preparadu sai uma-nain ba jogu CPLP

Prezidente Federasaun Atletizmu Timor-Leste, Afranio Xavier. Imajen Tatoli/Sérgio da Cruz.

Atleta na’in-ualu ne’ebé planeia atu kompete iha jogu CPLP ne’e kompostu husi mane haat no feto haat.

FATL hanesan modalidade ida ne’ebé tama iha númeru Olímpiku, nune’e hakarak lakohi tenke kompete ho didi’ak no másimu.

“Ita tama iha númeru Olímpiku entaun ita tenke prepara másimu, agora dadaun atleta sira halo hela preparasaun iha ida-idak nia Munisípiu no fatin, bainhira ita realiza kampionatu nasionál sira mai kompete mak ita foin bele hili se mak merese atu tuir kompetisaun ne’e, jogu ne’e ba de’it atleta ho idade 18,” nia tenik.

Jogu CPLP tinan ida ne’e sei hetan partisipasaun másimu hosi Estadu-membru sira, ho delegasaun hanesan, Angola (partisipante 101), Brazil (101), Cabo Verde (101), Guiné-Bissau (61), Guiné Ekuatoriál (35), Mosambike ( 70), Portugál (101), São Tomé e Prínsipe (35), no Timor-Leste (101).

Eventu importante ida-ne’e hatudu Timor-Leste nia kompromisu atu haburas interkámbiu kulturál no atlétiku iha komunidade CPLP nia laran.

Notisia relevante:Kampu Tenis iha UNTL kondisaun di’ak ba jogu CPLP

Jornalista: Hortencio Sanchez

Editor: Florencio Miranda Ximenes

iklan
iklan

Leave a Reply

iklan
error: Content is protected !!