DILI, 08 janeiru 2025 (TATOLI)–Sekretáriu Estadu Asuntu Toponímia no Organizasaun Urbana (SEATOU), Germano Santa Brites Dias, hateten, SEATOU seidauk bele sobu restaurante Cossete-Tea & Bistro, tanba sei iha prioridade ba dezastre ne’ebé mosu hodi afeta ba populasaun sira iha area risku.
Notísia Relevante: Ekipa téknika MOP hahú sukat restaurante Cossete metru rua husi dalan
Nia esplika, oráriu ka data ne’ebé halo atendimentu ba populasaun heran inundasaun ne’e iha Fomentu II iha suku Comoro ne’e ba Cossete nian, maibé situasaun emerjénsia kauza husi dezastre naturál, nune’e labele ba sobu Restaurante Cossete iha Pantai Kelapa.
“Tuir lolos oráriu ne’e la’ós ida-ne’e nian, maibé iha dia 01 ne’e mosu serbisu boot ba ida-ne’e liuliu dezaste naturál ne’ebé afeta ba populasaun, entaun Cossete ne’e buat kiik-oan ida, loron ida mós la too, meia hora tempu de’it,” sekretáriu Estadu ne’e hateten ba Agência Tatoli iha Fomentu II.
Molok ne’e, ezekutivu ne’e hateten ona katak sobu Cossete iha dezembru liu ba, maibé seidauk bele realiza sá loron mak atu sobu loloos.
Nune’e mos, antes ne’e ekipa Autoridade munisipiu Dili fó ona notifikasaun no ekipa husi Ministériu Obra Públika foti sukat medidade restaurante Cossete atu sobu.
Notísia Relevante: Munisípiu Dili notifika ona na’in ba restaurante Cosette hodi hamamuk fatin
Jornalista : Jesuína Xavier
Editór : Cancio Ximenes