Arrendatáriu 102 iha Bobonaro selu taxa $55,589 ba Estadu iha 2024
BOBONARO, 28 janeiru (TATOLI)—Diretór Terra Propriedade (DTP) munisípiu Bobonaro, Castro Laco Martins, hateten husi janeiru to’o dezembru 2024 ne’e, DTP rejista arendatáriu lokál no estranjeiru hamutuk na’in-190 iha munisípiu Bobonaro selu tasa $55,589 ba kofre Estadu.
Nia hatutan, arrendatáriu hirak ne’e selu taxa tanba utiliza rai no uma ba atividade komérsiu no rezidénsía iha Maliana no postu administrativu seluk tan.
Notísia Relevante: DTP Bobonaro rejista arrendatáriu 94 selu taxa ativu
“Reseita ne’e ami halibur iha trimestre dahuluk hamutuk rihun $18,62, daruak $14,804, datoluk $14,061 no trimestre ikus hamutuk $7,782. Totál reseita 2024 nian ne’e, ami hatama ba kofre Estádu hamutuk $55,589 no tasa ne’e selu husi arendatáriu hamutuk 102,” nia informa ba Agência TATOLI iha nia kna’ar fatin, tersa ne’e.
Durante ne’e, nia observa, maioria arendatáriu kumpre dever selu taxa Kada fulan.
“Balun selu kedas tinan ida (1) mak hansan Telemor, SAKOM TL. Iha balun mak selu la ativu ne’e, ami fó ona notifikasaun iha 2023 no 2024 selu mós la tuir kontratu ne’ebé iha. Sira-nia razaun katak laiha rendimentu, sira-ne’e balun negósiu loke loja, ofisina, balun prodús Batako osan la tama tanba ohin loron kompetisaun barak. Xina sira mai ho sasán kompletu, sira lae ne’e mak la hetan osan. Entaun, ami hato’o ba sira dalan di’ak mak imi hato’o rekursu ba ministru para bele iha despaixu ruma ba ita-boot sira para atu bele selu ne’e faze pur faze ka oinsá,” nia hateten.
Entretantu, daudaun ne’e iha ema na’in-23 mak hato’o ona pedidu ba Ministeriu Justisa atu aluga rai no uma Estádu.
Notísia Relevante:Tinan 2022, DTP Bobonaro rekolla reseita rihun $72 ba kofre estadu
Jornalista : Sérgio da Cruz
Editór : Cancio Ximenes
