OÉ-CUSSE, 03 Fevereiru 2025 (TATOLI)– Diretór Diresaun Rejionál Agrikultura, Rejiaun Administrativa Espesiál Oé-Cusse Ambeno (RAEOA), Amaro Efi husu ba tékniku estensionista sira atu promove kooperasaun hamutuk ho Xefe Suku no Xefe Aldeia inklui Ofisiál Polísia Suku (OPS), nune’e kombate peste ne’ebé ataka komunidade nia to’os no natar.
“Imi ida-idak tenke servisu hamutuk ho autoridade lokál sira iha suku. Tanba ita sei koloka lista prezensa ba suku idak-idak atu estensionista tenke servisu ho xefe suku no aldeia no mós Ofisiál Polísia Suku inklui koordenadór sira iha sub-rejiaun hodi bele hatene sá problema mak akontese iha toos no natar, liuliu kombate peste sira ne’ebe estraga batar no hare,” Diretór ne’e hatete hafoin fahe uniforma ba tékniku estensionista sira, ohin.

Notísia relevante:Autoridade RAEOA sosa adubu orgániku AMO hodi hasa’e produsaun agríkola
Daudaun ne’e, Diresaun simu pedidu ida husi komunidade iha suku Lalisuk, kona-ba problema pesta estraga batar no hare, nune’e husu apoia tékniku sira bele bele fasilita komunidade hodi hamate peste ne’e.
“Ita fasilita oan formasaun ba estensionista sira kona-ba utilizasaun adubu orgániku ho nia funsaun sira atu hamate peste ne’ebé estraga batar no haree. Nune’e sira bele apoia komunidade iha suku no aldeia sira atu kombate peste ne’e,” nia ifnromania informa.
Notísia relevante:MAPPF fasilita formasaun ba estensionista Oé-Cusse kona-bá analiza negósiu agríkola
Atu hala’o serbisu ho di’ak, Diresaun Agrikultura oferese uniforme hanesan, botas, kamizola, sapeu, livru no pasta ba estensionista sira hodi hala’o serbisu ho povu agrikultór sira iha natar no toos.
Iha biban ne’e, Estensionista iha suku Malelat iha sub-rejiaun Pássabe, Lucas Poto hato’o agradesementu ba Governu tanba bele apoia uniforme, nu’udar identidade tékniku estensionista iha suku.
“ Apoia uniforme ne’e nu’udar identidade hodi komunidade bele koñese katak ne’e prezensa servisu agrikultura rejionál nian iha baze,” nia orgullu.
Sekretária Rejionál ba Asuntu Agrikultura destaka ona tékniku estensionista na’in-27 ba suku18 iha Oé-Cusse.
Notísia relevante:MAPPF lansa manuál estensaun agríkola hodi apoia serbisu iha terrenu
Jornalista: Abílio Elo Nini
Editór: Florencio Miranda Ximenes