DILI, 28 Agostu 2025 (TATOLI)-Prezidente Tribunál Rekursu, Afonso Carmona, rejeita informasaun katak nia halo espulsa ba inspetór estranjeiru ida ne’ebé durante ne’e halo servisu iha Tribunál Rekursu.
“Ha’u la espulsa ema ida. Ha’u la espulsa”, Afonso Carmona hatán ba jornalista sira iha Tribunál Judisiál Primeira Instánsia Dili, Kaikoli, kinta ne’e.
Sidadaun estranjeiru ne’e nu’udar juis internasionál ne’ebé durante ne’e Tribunál Rekursu kontrata hodi halo knaar hanesan inspetór iha TR hodi halo inspesaun ba servisu juis sira nian.
Carmona hateten, durante ne’e nia seidauk espulsa asesór no inspetór internasionál ne’ebé halo kna’ar iha TR maibé kontratu mak hotu tuir durasaun tempu.
Notísia relevante: Inspetór TR hahú inspesiona servisu juíz molok promove ba primeira klase
Jornalista : Natalino Costa
Editora : Rita Almeida
