DILI, 20 Novembru 2025 (TATOLI) – Instituisaun públika sia nia proposta Orsamentu Jerál Estadu (OJE) tinan fiskál 2026 aprova ona iha Parlamentu Nasionál (PN), iha diskusaun espesialidade nian.
Arkivu no Muzeu Rezisténsia Timorense (AMRT) iha nia orsamentu $2.828.232 no aloka ba saláriu no vensimentu $1.131.690, bens no serbisu $1.646.542, kapitál menór rihun $50. Atu implementa Programa Kultura no Patrimóniu hetan alokasaun $$1.365.120 no Programa Funsionamentu no Dezenvolvimentu Instituisionál $1.463.112.
Arkivu Nasionál Timor-Leste (ANTL) iha osan $606.413, ne’ebé destina ba saláriu no vensimentu $334.560, bens no serbisu $241.853, no kapitál menór rihun $30.
Arkivu Nasionál iha Programa Kultura no Patrimóniu ne’ebé prevee $185.973 no Funsionamentu no Dezenvolvimentu Nasionál $420.440.
Autoridade Aviasaun Sivíl $956.213 – aloka ba saláriu no vensimentu $645.658, bens no serbisu $179.555, transferénsia públiku rihun $45, kapitál menór $6.000, no kapitál dezenvolvimentu rihun $80.
Aloksaun ba Programa Transporte $110.685 no Programa Funsionamentu no Dezenvolvimentu Nasionál $845.528.
Ba Autoridade Inspesaun no Fiskalizasaun ba Atividade Ekonómika, Sanitária no Alimentár (AIFAESA) aloka $2.025.015, verba ne’e destina ba saláriu no vensimentu $1.137.768, bens no serbisu $787.247, no kapitál menór rihun $100.
AIFAESA iha nia Programa Funsionamentu no Dezenvolvimentu Nasionál ne’ebé prevee $1.790.824 no Programa Investimentu no Diversifikasaun Ekonómika $234.191.
Autoridade Nasionál Komunikasaun prevee $1.152.956 – iha ne’ebé $769.743 aloka ba saláriu no vensimentu, $363.213 ba bens no serbisu, no rihun $20 ba kapitál menór.
Autoridade iha Programa Funsionamentu no Dezenvolvimentu Nasionál ne’ebé aloka $272.340 no Programa Teknolojia Informasaun no Komunikasaun $880.616.
Autoridade Nasionál Petróleu (ANP) prevee $9.298.705 no aloka ba saláriu no vensimentu $3.961.599, bens no serbisu $4.600.446, no kapitál menór $736.660.
Autoridade iha Programa Funsionamentu no Dezenvolvimentu Instituisionál ne’ebé aloka $6.064.636, no Programa Dezenvolvimentu Kampu Gás Greater Sunrise Asegura Gazodutu mai Timor-Leste $1.204.767.
Programa Dezenvolve Polítika no Prátika Di’ak iha Indústria hodi Asegura Partisipasaun Másima Timoroan iha Atividade Setór $489.502. Programa Implementasaun Projetu Tasi-Mane iha Kosta Súl País $214.300, Programa Esplora, Investiga no Dezenvolve Rekursu Petrolífeiru, Minerál no Jeolójiku iha territóriu $1.325.500.
Sentru Lojístika Nasionál (CLN) nia orsamentu $4.308.113 no prevee ba saláriu no vensimentu $706.286, bens no serbisu $645.805, transferénsia públika rihun $140, no kapitál dezenvolvimentu rihun $108.
CLN iha Programa Funsionamentu no Dezenvolvimentu Nasionál ho nia verba $1.830.113 no Programa Investimentu no Diversifikasaun Ekonómika $2.447.807.
Sentru Nasionál Chega nia orsamentu $1.502.177 – destina ba saláriu no vensimentu $566.646, bens no serbisu $645.805, transferénsia públika rihun $140, no kapitál dezenvolvimentu $108.
Ba Implementa Programa Kultura no Patrimóniu prevee $314.698, Programa Funsionamentu no Dezenvolvimentu Instituisionál $891.837, Programa Kombatente Libertasaun Nasionál $253.916.
Sentru Nasionál Empregu no Formasaun Profisionál Tíbar $1.502.177 – verba ne’e ba saláriu no bensimentu $609.844, bens no serbisu $797.333, no kapitál menór rihun $95.
Sentru iha Programa Funsionamentu no Dezenvolvimentu Instituisionál ne’ebé aloka $539.233 no Programa Investimentu no Diversifikasaun Ekonómika $962.944.
Durante apresiasaun OJE, deputadu opozisaun FRETILIN koloka liuliu ba AIFAESA atu reforsa kontrolu no halo inspesaun hodi garante kualidade ai-han ba povu, teste ba produtu importadu kontamina ho formalin no sujere atu disponiliza laboratóriu integradu.
Notísia relevante: Parlamentu aprova orsamentu ba munisípiu sia
Jornalista: Nelson de Sousa
Editora: Maria Auxiliadora
