Top

SEATOU hala’o asaun karitativa ba oan-ki’ak sira iha kongregasaun Carmelita no Franciscana Oekusi

IMG-20261118-WA0029

OEKUSI, 18 Novembru 2026 (TATOLI) – Sekretáriu Estadu Toponímia no Organizasaun Urbana (SEATOU), Germano Santa Bristes, tersa ne’e, hala’o asaun karitativa bao an ki’ak sira iha kongresaun madre Carmelita iha sub-rejiaun Pante Makasar no kongresaun Franciscana iha sub-rejiaun Oésilo, Rejiaun Administrativa Espesiál Oekusi Ambeno (RAEOA).

Mídia RAEOA

“Ami mai hala’o vizita ba oan-ki’ak sira iha Madre Franciscana Oésilo  no Oekusi, ne’ebé durante ne’e madre sira tau matan ba sira, no tuir informasaun, sira presiza tebes fasilidade, entaun nu’udar Governu liuhusi desizaun Autoridade RAEOA fó ona ajuda balun, maibé tulun ne’e mós mai husi ita hotu,” Germano Santa Brites, hateten ba jornalista sira iha suku Bobometo sub-rejiaun Oésilo, tersa ne’e.

Tanba ne’e, ohin ekipa SEATOU mai husi dirijente nasionál sira, lori hela sasan balun, ne’ebé durante ne’e SEATOU hala’o servisu iha kapitál Dili, kona-ba sidadaun Xineza sira la kumpre ba dekretu-lei no okupa espasu públiku, entaun sasán sira balu foti tau hamutuk no fó ba oan-ki’ak sira-ne’ebé madre sira tau matan.

“Tanba ne’e, ohin ita mai Oésilo, balun fó iha Oekusi vila no balu ita mai direita fó iha Oésilo, sasán sira-ne’e foun la’ós tuan hanesan roupa, sapatu no seluktan,” nia hateten.

Notísia relevante:Kongregasaun Franciscana RAEOA hato’o agredesimentu ba Xanana konstrui refetóriu atendimentu labarik

Prezidente Autoridade RAEOA, Régio da Cruz Salu, agradese tanba bele tulun ona oan-ki’ak sira iha kongresaun Carmelita iha sub-rejiaun Pante no kongregasaun Franciscana iha sub-rejiaun Oésilo.

“Reprezenta kongresaun rua ne’ebé ohin SEATOU apoia ona, ami hato’o agradese  tab abele tulun ona oan sira iha fatin rua ne’e, ami espera katak ba futuru bele kontinua tau matan,” nia orgullu.

Jornalista: Abílio Elo Nini

Editór: Rafael Ximenes de A. Belo

Publisidade

Leave a Reply

Latest Post

error: Content is protected !!