Janeiru-Dezembru, Klinika Baurru Pite rejista pasiente Tuberkuloze 400
DILI, 11 Desembru 2025 (TATOLI)–Koordenadór Tuberkuloze iha Klinika Bairru Pite, José Maia Soares, informa husi Janeiru to’o Dezembru 2025 ne’e, Klinika Bairru Pite rejista ona pasiente tuberkuloze hamutuk na’in-400.
“Husi númeru ne’e iha 193 mak rekupera ona tanba sira halo tratamentu kompletu,” José Maia Soares hateten ba jornalista sira iha nia kna’ar fatin, ohin.
Nia hatutan, husi numeru 400 ne’e na’in-189 mak sei halo tratamentu no na’in-18 mak lakon ona vida.
“Pasiente sira-ne’e balun mai husi munisípiu no sira balun ne’ebé mak moras sente di’ak uitoan ne’e husu transferénsia, ita haruka fali ona ba ida-idak nia muisípiu hodi halo tratamentu intensivu iha ne’eba,” nia dehan.
Nia relata, pasiente sira-ne’ebé sira transfere fali ona ba nia munisípiu sira hanesan Same nain na’in-ida (1), Bobonaru ida (1), Baukau rua (2), Oekusi ida (1), Lautein rua (2), Ainaru ida (1), Ermera ida (1) no Dili-Metinaru ida (1).
Nia relata, ema-ne’ebe sofre ba moras ida-ne’e husi idade 20 to’o 70-resin, tanba balun kauza husi fuma.
“Maneria prevensaun ba moras ne’e mak bainhira identifika ona ema ida TBC ona mak tenke halo konsulta ba família, ba ema boot semana ida dala ida durante fulan tolu no ba ema kiik loro-loron to’o fulan tolu atu nunee labele hada’et ba família seluk,” nia dehan.
Jornalista : Felicidade Ximenes
Editór : Cancio Ximenes
