DILI, 10 Abríl 2026 (TATOLI)—Diretór Servisu Apoiu Diagnóstiku no Terapéutiku, Vidal de Jesus Lopes, hateten bebé ne’ebé moris ho kondisaun hidrosefalus ne’e, daudaun ne’e kontinua halo tratamentu iha Hospitál Nasionál Guido Valadares tanba seidauk iha mundansa ba nia kondisaun.
Notísia Relevante: Bebé feto ho moras Hidrosefalus nafatin halo tratamentu konservativu iha HNGV
“Bebé kontinua halo tratamentu iha Hospitál Nasionál Guido Valadares, bebé nia kondisaun nafatin, laiha mundansa ba nia moras ne’e. Hanesan inisiu ha’u dehan, bebé ne’e moris mai kondisaun malformasaun hanesan fuan, nia matan no kakutak laiha,” Vidal de Jesus Lopes hateten ba Jornalista sira iha Tasi-tolu, ohin.
Kona- ba infomasaun ne’ebé espalla katak bebé ne’e família abandona ona maibé Hospitál Nasionál Guido Valadares haree.
“Ita la’o tuir parte normál, parte ospitál halo de’it nia papél kuida pasiente. Se kazu ne’e tama iha indisiu krime ruma hanesan inan-aman abandona, ida-ne’e ita entrega fali ba ministériu kompentente, nune’e sira bele buka solusaun,” nia esplika.
Nia dehan, depois nia moris mai halo estudu ba investigasaun, CT-Scan no rezultadu ne’e hatudu katak posbilidade moris ne’e kiik-liu.
Notísia Relevante: Inan ne’ebé abandona nia oan iha HNGV entrega-an ba PNTL
Jornalista : Felicidade Ximenes
Editór : Cancio Ximenes
