CNRT hametin estrutura iha baze hafoin realiza kongresu nasionál
DILI, 18 Agostu 2026 (TATOLI)-Partidu Kongresu Nasionál Rekonstrusaun Timorense (CNRT, sigla portugés) sei realiza kongresu no konferénsia nasionál iha tinan ne’e hodi prepara ba Eleisaun Prezidensiál iha tinan 2027.
Xefe bankada CNRT iha Parlamentu Nasionál, Patrocínio dos Reis Fernandes, hatete partidu daudaun kontinua halo konsolidasaun hodi hametin estrutura iha baze hafoin halo konferénsia munisipál no kongresu nasionál.
“Iha hela preparasaun, [data realizasaun kongresu] kompeténsia estrutura nasionál [partidu mak) depois halo deliberasaun hodi haree”, nia dehan.
Deputadu ne’e salienta katak partidu ne’e forte no estrutura funsiona ho di’ak, nune’e preparadu hasoru Eleisaun Prezidensiál no eventu demokrátiku sira ne’ebé atu mai.
Antes ne’e, Prezidente Komisaun Nasionál Eleisaun (CNE, sigla portugés), José Agostinho Belo, husu ba partidu sira atu realiza konferénsia no kongresu nasionál iha tinan ne’e, tanba tuir Lei Partidu Polítiku, partidu sira tenke hala’o atividade hirak-ne’e antes hasoru Eleisaun Prezidensiál 2027.
Notísia relevante: https://tatoli.tl/2026/08/17/cne-stae-relata-preparasaun-eleisaun-prezidensial-2027-ba-prezidente-ramos-horta/
Jornalista: Nelson de Sousa
Editora: Maria Auxiliadora
