PM Joé Ulisses konvida Xanana Gusmão atu vizita Kabu Verde
DILI, 18 Agostu 2026 (TATOLI)—Ministru Negósiu Estranjeiru no Komunidade Kabo Verde,
Manuel Amante da Rosa, hato’o hato’o konvite ne’ebé fó husi Primeiru-Ministru Kabo Verde, José Ulisses Correia, husu posibilidade Primeiru-Ministru, Kay Rala Xanana Gusmão atu halo vizita ofisiál ba Kabo Verde.
Ministru Negósiu Estranjeiru no Komunidade Kabo Verde, Manuel Amante da Rosa, hateten katak sira sempre kontente atu hasoru fali PM Xanana, tanba nia marka duni jerasaun trajetória moris nian no ninia dedikasaun ba nasaun.
“Ami mai ho mandatu husi ami-nia Primeiru-Ministru atu konvida ita-nia PM Xanana Gusmão, atu halo vizita ofisiál ba Kabo Verde no mandatu seluk mak atu aprofunda no habelar tan ami-nia kooperasaun liuhusi sistema estratéjiku ida ne’ebé bele haree ba future,” Ministru ne’e relata ba jornalista sira iha Palásiu Governu, ohin.
Tanba ne’e, nia dehan, iha enkontru ne’e nia dehan sira diskute kona-ba asuntu saida de’it mak bele ita halo hamutuk atu bele aprofunda tan kooperasaun hotu-hotu ne’ebé posivel entre nasaun rua ne’e rasik.
“To’o agora, pratikamente seidauk iha akordu espesífiku ida iha setór justisa ami mós iha intensaun atu haree disponibilidade no nesesidade Timor-Leste nian iha área formasaun. Entaun ami loke oportunidade ba Timor-Leste atu bele haruka tan estudante ba eskola iha Kabu Verde,” nia dehan.
Nia hatutan katak agora daudaun, iha ona estudante timorian sira-ne’ebé estuda iha Mindelo no Praia Kabu Verde, sira mós loke oportunidade ba formasaun iha área otelária no turizmu, ida-ne’e posivel atu realiza.
“Aleinde ami mós sei hasoru ministériu relevante seluk hodi ko’alia kona-ba área sira-ne’e no aspetu ida tan mak tranjisaun dijitál,” nia dehan.
Jornalista : Alexandra da Costa
Editór : Cancio Ximenes
