Antigu embaixadór Japaun Iwao Kitahara konsidera Xanana lideransa úniku iha TL
DILI, 17 Setembru 2026 (TATOLI)—Antigu Embaixadór Japaun iha Timor-Leste, Iwao Kitahara, konsidera katak Primeiru-Ministru, Kay Rala Xanana Gusmão, nu’udar lideransa ida-ne’ebé úniku no forte ba dezenvolvimentu iha nasaun Timor-Leste.
Nia hateten, nia sente kontente tebe-tebes bele mai fali iha Timor-Leste hodi hasoru malu ho Primeiru-Ministru, Kay Rala Xanana Gusmão hodi hala’o enkontru ho konkordánsia ida katak hakarak dezenvolve liután relasaun amizade entre TL ho Japaun.
“Entaun ha’u fiar katak povu Timor-Leste liuliu joven sira bele fortifika sira-nia an atu nune’e nasaun ne’e mós bele forte, maske ha’u eis embaixadór maibé ha’u nafatin fó kontribuisaun hamutuk ho imi,” Antigu Embaixadór ne’e hateten hafoin hala’o enkontru ho Primeiru-Ministru, Kay Rala Xanana Gusmão, iha Palásiu Governu, ohin.
Japaun no Timor-Leste sei nafatin hamutuk hanesan “sunrise nation“, aleinde Timor-Leste mós independénba tinan-24 no mudansa dezenvolvimentu ne’ebé iha la’o ho lalais (avansadu) tebes maske nasaun sei joven hela.
“Ne’e hatudu katak imi-nia Primeiru-Ministru, Kay Rala Xanana Gusmão nu’udar lideransa ne’ebé di’ak ho ninia vizaun ne’ebé luan tebes ba dezenvolvimentu nasaun nian, neineik maibé sei beibeik avansa ba oin,” nia dehan.
Nia hateten, Timor-Leste nasaun ida-ne’ebé forte maske komparasaun entre dezenvolvimentu entre nasaun rua ne’e diferensa maibé tanba TL iha relasaun amizade entaun sira konsidera nasaun rua ne’e hanesan.
Jornalista : Alexandra da Costa
Editór : Cancio Ximenes
