Timor GAP no EPIC esplora kolaborasaun estratéjika ba dezenvolvimentu lojítistiku petróleu no gás

DILI, 25 Setembru 2026 (TATOLI) – Timor GAP, E.P. no Eastern Pacific Industrial Corporation Berhad (EPIC) asina memorandu entendimentu (MoU) atu esplora kooperasaun estratéjika potensiál ba dezenvolvimentu baze lojístika no fornesimentu marítimu primáriu hodi apoia operasaun petróleu no gás offshore iha tasi Timór.

Akordu ne’e asina husi Prezidente Timor GAP, Rui Maria Alves, no Diretór-Ezekutivu EPIC, Muhtar Bin Suhaili, iha edifísiu Timor GAP iha, Timor Plaza, Dili, ohin.

Nota entendimentu ne’e estabelese estrutura ba diálogu, troka koñesimentu, no esperiénsia téknika, avaliasaun ba oportunidade negósiu, estudu ba área kooperasaun ne’ebé viavel komersialmente, tuir diskusaun no termu sira ne’ebé sei konkorda hamutuk.

Inisiativa ida-ne’e hatudu interese komún husi parte rua atu esplora oportunidade sira ne’ebé bele kontribui ba dezenvolvimentu infraestrutura lojístika petróleu no dezenvolvimentu sustentavel setór petróleu no gás iha Timor-Leste.

Prezidente Timor GAP, Rui Soares, hatete EPIC hanesan operador ida ba Supplay Base iha Malázia ne’ebé iha ona esperiénsia no sei apoia Timor GAP ba preparasaun sira atu halo operasaun ba Suai Supplay Base iha futuru bainhira finaliza ona ninia konstrusaun.

Notísia relevante: Timor GAP-PetroTim selebra kontratu operasaun konjunta ba esplorasaun petrolífera

Jornalista: Nelson de Sousa

Editora: Maria Auxiliadora