Xefe Suku Taiboko husu Governu rezolve rede telekomunikasaun

OEKUSI, 16 Novembru 2026 (TATOLI)–Xefe Suku Taiboko, Mateus Nas, husu ba Governu atu rezolve rede telekomunikasaun iha Suku Taiboko tanba to’o agora seidauk efetivu.
“Kona-ba rede telekomunikasaun, jaringan Timor Telecom laiha liu, Telemor iha maibé ba telefone ida tombol ne’e mak lancar, maibé ba tefone android ne’e jaringan oituan dei’t, dalaruma laiha liu. Komunidade iha ne’e atu telefone la’o dook. Tanba ne’e, ho vizita Sua Eselénsia nian ohin ne’e, ha’u husu atu Governu bele rezolve,” Xefe Suku Mateus hateten ba Ajénsia TATOLI iha Taiboko hafoin atividade fahe ai-han, Segunda ne’e.
Notísia relevante : MSSI apoia ai-han bázika ba uma-kain 530 iha Suku Taiboko Oekusi
Nia konsidera, problema rede telekomunikasaun ne’e sériu tanba atu fasilita komunidade halo komunikasaun.
“Dala ida tan, ha’u husu Governu atu rezolve problema ida ne’e atu fasilita komunidade sira,” nia akresenta.
Suku Taiboko Sub-Rejiaun Pante Makasar ho totál populasaun 5.124, kompostu husi Aldeia haat hanesan Hauboni, Maquelab, Nenum no Ulas.
Jornalista : Natalino Costa
Editora : Julia Chatarina

