UE Hametin Kooperasaun iha Setór Agrikultura no Edukasaun

DILI (TATOLI)— Uniaun Europeia (UE) promete katak sira kontinua hametin kooperasaun bilaterál entre Timor-Leste ho UE liuhusi setór agrikultura no edukasaun.

Komprimísiu ida ne´e hato´o hosi Embaixadór Uniaun Europeia ba imor-Leste, Alexandre Leitão, liuhusi sorumutu ho Prezidenti Repúblika Eleitu, Dr. Francisco Guterres Lú-Olo, iha sede Comité Central da FRETILIN (CCF), Comoro, Dili, Kuarta (05/04/2017).

Tuir Alexandre katak komprimísiu ida ne´e maka sira sei hato´o ba governu foun ne´ebé mai atu bele haforsa iha futuru  no hatutan katak agrikultura no edukasaun nu´udar setór importante atu garante Timor-Leste nia destinu hanesan nasaun ida.

Iha oportunidade ne´e, Embaixadór UE mós fó nia kongratulasaun ba Prezidenti Eleitu relasiona ho vitória ne´ebé maka atuál Prezidenti Partidu FRETILIN ne´e hetan iha eleisaun prezidensiál foin lalais ne´e.

Iha tempu ne´ebé hanesan, Embaixadór Japaun ba Timor-Leste, Eiji Yamamoto, lori karta Primeiru Ministru Japoneze nian hodi kongratula Prezidenti RDTL Eleitu, Dr. Francisco Guterres Lú-Olo.

Jornalista: Xisto Freitas / Editór: Gantry Meilana