DILI, (TATOLI) – Konsellu Imprensa (KI) Timor-Leste hamutuk ho KI hosi Ázia no Pasifíka asina deklarasaun ho naran Dili, ohin iha Delta Nova hodi promove liberdade imprensa iha rejiaun rua ne’e.
Membru deklarante mak uma nain, Indonézia, Austrália, Nova Zelándia, Papua Nova Guine, Tailándia no Mianmar.
Prezidente KI uma nain, Virgilio Guterres orgullu tanba Dili sai fatin ba kompromisu ba promosaun liberdade imprensa iha rejiaun rua.
Ahmad Djauhar, reprejentante KI Indonézia dehan deklarasaun ne’e nu’udar pasu di’ak ida promove liberdade imprensa. Husu atu alarga tan.
Kontiudu deklarasaun ne’e mak estabelese grupu servisu hodi proteje jornalista hala’o nia kna’ar, promove liberdade imprensa, kontra HOAX (notísia falsa), no dezenvolve kultura demokrátiku.
Jornalista: Manuel Pinto
Editora: Rita Almeida
