DILI (TATOLI)-Eskritór Brazileiru, Dan Porto fó hanoin atu labele haree moras AIDS (Acquired Immune Deficiency Syndrome) nu’udar de’it moras ida, buat la di’ak ida ne’ebései hamate ema maibé poupa ita-nia ksolok, tanba ne’e sosiedade labele husik paralizadu de’it hanesan ne’e.
“Ita presiza halo buat ruma,” hateten eskritór ne’e liuhusi komunikadu ne’ebé diriji ba redasaun Ajénsia TATOLI ohin husi Brazil hodi haktuir nia livru “A cura da Aids” ne’ebé públikadu ona.
AIDS sei hamate ema no poupa ita-nia “ksolok” iha tempu ne’ebé ita hakarak kuaze atu halo buat hotu. Iha buat barak ne’ebé atu rezolve maibé iha ema oituan de’it.
“Kuantu mais ita tau iha dispozisaun hodi rezolve problema klíma, moras, ekonomia no polítika, ita sei iha tan oportunidade hodi hetan susesu,” haklaken eskritór ne’e.
Hodi reforsa mós katak ita la posível hodi aseita no simu HIV (Human Immunodeficiency Virus) no AIDS nomós moras oioin ne’ebé transmite liuhusi “relasaun” metin iha katalógu patolojia nian.
Ita labele aseita hodi haree ema mate tan moras ne’e. Ne’e koruptu ida hodi hetan lialoos no labele halo propaganda. Ita idaidak luta ho ita-nia arma ka meius ne’ebé iha, ita idaidak nu’udar parte ida husi hirak ne’e hotu.
“Ha’u-nia jeitu, hateten de’it katak NATOON ONA! BASTA! Ha’u hakerek livru ne’e no haka’as aan hodi to’o ba nasaun sira hotu. Nune’e, bele toka ema barak nia fuan no hanoin,” akresenta eskritór husi nasaun belun, Brazil ne’e.
Hodi haktuir katak nia hakerek livru ida ne’e tan hetan inspirasaun husi livru Hervé Guibert (Eskritór Fransez) ho títulu, “Para o amigo que não me salvou a vida” ka Ba belun ida ne’ebé la salva ha’u-nia moris.
Nia konsidera katak Hervé nu’udar “mikrofone” ida ba ema barak ne’ebé ezize atu hetan kura ba moras AIDS ne’ebé iha. Espiritu husi ema hirak ne’ebé sai ona vítima husi HIV no AIDS ne’ebé husu ita-nia tulun.
“Ita tenke halo buat ruma! Ita tenke lori naroman lialoos rohan laek ida, independente husi konsekuénsia,” nia haktuir.
No reforsa mós katak ita ema labele kontinua lakon vida bebeik tan kauza husi moras ida ne’e. “Ita labele admite katak ita-nia “relasaun” bele “empata” husi se de’it no saida de’it,” nia konklui.
Entretantu, livru ‘A Cura da Aids’, eskritór Dan Porto sujere atu ita lee no gratis iha Wattpad: w.tt/2rBU7Pc . Informasaun kle’an liutan bele asesu iha site autór nian: www.danporto.com.
(Jornalista: Rafy Belo, Editór : Manuel Pinto)
