Alkatiri Sei La Marka Prezensa Iha Tomada Pose PM Foun
DILI, (TATOLI) – Primeiru-Ministru, Marí Alkatiri, hateten sei la marka prezensa iha serimonia tomada pose ba Xefe Ezekutivu ba governu da-ualu hosi Prezidente Repúblika, Francisco Guterres Lú Olo, aban iha salaun Nobre Lahane.
ʺHa’u kuandu simu pose laiha ema ida mak partisipa, kuandu ita respeita malu ha’u la baʺ, hateten Marí Alkatiri iha edifisiu ZEESM (Zona Ekonomia Espesiál, Sosial Merkadu) Farol, ohin.
Maske la marka prezensa, maibé tuir planu governu dahituk sei entrega relatóriu ukun durante fulan ualu ba governasaun foun, molok husik mandatu. ʺHa’u nia reprezentante ida sei ba entrega relatóriuʺ, tenik Alkatiri.
Kona-ba kareta ne’ebé uza, ohin entrega no oras ne’e para iha Pálasiu Governu.
Jornalista: Agapito dos Santos
Editora: Rita Almeida
