DILI, (TATOLI) – Ministru Defeza (MD), Filomeno Paixão, ohin hasoru Prezidente Repúblika (PR), Francisco Guterres Lú Olo, hodi halo diskusaun ba planu estratéjia, bainhira planu forsa 2020 remata.
ʺIta hanoin halo estratéjia militár foun, tanba 2020 agora remata ona, ita komesa halo foun to’o tinan 10 to’o 15 hodi dezenvolve forsa ne’e oinsá”, katak ministru ba jornalista sira hafoin sorumutu ho Xefe Estadu iha Palásiu Prezidensiál Bairru Pité.
Filomeno hatutan enkontru ne’e ko’alia mós planu dezenvolve forsa armada, liuliu konsensu entre Prezidente Repúblika, Parlamentu Nasionál no Governu hodi kria kondisaun di’ak ba forsa.
ʺPrimeiraves maka ha’u hasoru depois ha’u ba tuur iha ministériu defeza, komesa forma ona gabinete no asiste konsellu ministruʺ, tenik.
Jornalista: Agapito dos Santos
Editora: Rita Almeida
