DILI, (TATOLI) – Ministra Solidaridade Ssosiál no Inkluzaun, Armanda Berta dos Santos, hateten governu sei hadi’a di’ak liután mekanismu pagamentu ba terseira idade no invalides iha mandatu governasaun da-ualu.
Ministra hatutan kompromisu governu ne’e relasiona ho insidente dudu malu entre ferik no katuas sira hodi rezulta balun kanek durante pagamentu hosi Banku Nasionál Komersiu Timor-Leste, obrigado barak Kaikoli, ohin.
ʺBa oin ami sei hadi’a mekanismu pagamentu di’ak liután ba idozos no invalidesʺ, dehan ministra ba jornalista sira iha Parlamentu Nasionál.
Nia hatutan tan atu habadak distansia hodi simu osan, governu planu sei kordena ho BNCTL atu halo pagamentu to’o suku.
Totál ferik no katuas sira no invalides hamutuk rihun 97 resin maka sai ona benefisiariu.
Jornalista: Agapito dos Santos
Editora: Rita Almeida
