DILI, 08 setembru 2019 (TATOLI) – Kazu prosesu sivíl no krime ne’ebé pendente iha Tribunal Distritál Dili kontinua rejista aas. Tanba ne’e, Juiz Administradór Tribunal Distritál Dili (TDD), Afonso Carmona, sei halo esforsu atu redús hodi hadi’a administrasaun ne’ebé di’ak.
Notísia Relevante : Afonso Carmona, Juiz Administradór Tribunal Distritál Dili
Ba jornalista sira, ohin, iha TDD, Afonso Carmona hateten, nia parte seidauk ko’alia kona ba númeru kazu pendente hirak iha TDD tanba nia seidauk iha informasaun ofisial. Maibé, pasu ne’ebé nia konsidera presiza halo no importante mak hadi’a administrasaun atu rezolve tiha kazu pendente hodi haree fali kazu foun ne’ebé tama.
Eis Administradór Tribunál Distritál Baucau ne’e informa, oras nee daudaun nia parte mós sei dauk bele ko’alia kona-ba númeru prosesu krime no sivíl, tanba seidauk hakbesik an ba iha seksaun sira iha Tribunál nian, depois simu tomada da posse maka bele konfirma ho sira, hodi fó sai nia númeru serteza.
Jornalista : Domingos Piedade Freitas
Editór : Francisco Simões
